Top Rank promoýterlik kompanııasynyń basshysy Bob Arým qaramaǵyndaǵy WBO nusqasy boıynsha ekinshi orta salmaqtaǵy álem chempıony meksıkalyq Hılberto Ramırestiń (34-0, 24 KO) orta salmaqtaǵy WBA (Super), IBO, WBC jáne IBF belbeýleriniń ıegeri qazaqstandyq Gennadıı Golovkınmen judyryqtasýy múmkin ekendigin málimdedi.
Onyń aıtýynsha, Gennadıı Golovkın birinshi orta salmaqtaǵy WBO tujyrymy boıynsha álem chempıony Saýl Alvarespen (48-1-1, 34 KO) jekpe-jegi ótpeı qalǵan jaǵdaıda uıymdastyrylýy múmkin.
«Ramıres úshin Gennadıımen judyryqtasý tıimdi bolar edi. Eger qazaqstandyq boksshy «Kanelomen» ortaq ymyraǵa kele almaıtyn bolsa, ýaqyt joǵaltpaı, osy isti júzege asyrý úshin barymyzdy salamyz. Bul jóninde onyń promoýteri Tom Lefflermen aqyldasyp ta qoıdyq», – dedi BoxingScene.com basylymyna bergen suhbatynda.
Hılberto Ramıres buǵan deıin birneshe ret Golovkınmen kúsh synasqysy keletinin málimdegen bolatyn. Biraq 22 sáýir kúni Kalıfornııada ýkraınalyq Maksım Býrsakqa qarsy aıqasta óz tıtýlyn qorǵap qalýy tıis. Al GGG-di 18 naýryz kúni Nıý-Iorkte amerıkalyq Dennıel Djeıkobspen jekpe-jegi kútip tur.