Qazaqstan Respýblıkasynyń Prezıdenti Nursultan Nazarbaev «Astana Bas jospary» ǵylymı-zertteý jobalyq ınstıtýty» jaýapkershiligi shekteýli seriktestiginde boldy, dep habarlaıdy Aqordanyń baspasóz qyzmeti.
Is-shara barysynda Memleket basshysyna elordanyń sáýlet jáne qala qurylysy salasynda atqarylyp jatqan jumystar týraly baıandaldy. Budan bólek, Elbasy qalany damytýǵa baǵyttalǵan birqatar jobanyń iske asyrylý barysymen tanysty. Sonyń qatarynda ınfraqurylym jáne áleýmettik-mádenı, kommersııalyq maqsattaǵy nysandar qurylysy bar. Sońynda Nursultan Nazarbaev birqatar naqty tapsyrma berdi.