Halyqaralyq fýtbol federasııasynyń (FIFA) jańartylǵan reıtınginde Qazaqstan ulttyq quramasy eki orynǵa kóterilip, 94-orynǵa turaqtady. Esepti kezeńde ulttyq quramamyz bir de bir oıyn ótkizgen joq. Sondaı-aq, dál osy kórsetkishte Rýanda quramasy jeti orynǵa kóterilip, 93-orynǵa toqtady.
Jańartylǵan reıtıngide alǵashqy on úzdik komanda ózgerissiz kúıde qaldy. Argentına quramasy kósh bastasa, Brazılııa ekinshi orynda. Al úzdik úshtikti Germanııa túıindep tur.
1 (1). Argentına – 1644 upaı,
2 (2). Brazılııa – 1534,
3 (3). Germanııa – 1443,
4 (4). Chılı – 1389,
5 (5). Belgııa – 1379,
6 (6). Fransııa – 1318,
7 (7). Kolýmbııa – 1312,
8 (8). Portýgalııa – 1240,
9 (9). Ýrýgvaı – 1200,
10 (10). Ispanııa – 1162,
...94 (96). Qazaqstan – 352.
Aıta keteıik, 22 naýryz kúni Qazaqstan quramasy Aleksandr Borodıýktiń bastaýymen Kıpr ujymyna qarsy joldastyq kezdesýin ótkizedi. Al 26 naýryzda 2018 jylǵy álem chempıonatynyń irikteý kezeńi aıasynda Erevanda Armenııa elimen kúsh synasady.