Avstralııadaǵy ózenniń túsi ózgerdi

Melbýrndegi tuzdy ózen Kún sáýlesiniń áserinen, joǵary temperatýra men jaýyn-shashynnyń az bolýynan alqyzyl túske boıaldy, dep jazady VVS Ýestgeıt parkiniń ákimshishigine silteme jasap. Mamandardyń aıtýynsha, ózenniń túbinde ósetin baldyrlar osyndaı aýa raıynda qyzyl pıgmentter bóledi. Mundaı jaǵdaı Ispanııa, Kanada jerindegi birneshe ózende de baıqalady.

Park qyzmetkerleriniń aıtýynsha, ózen túsiniń ózgerýine Dunalliela atty bir jasýshaly baldyr áser etken. "Bul baldyr tabıǵı ónim. Kópshiligi bul óndiristik apattan nemese qyzyl boıaý tógilgennen boldy deıdi. Olaı emes", deıdi qyzmetkerler. Al ǵalymdardyń aıtýynsha, túsi ózgergen ózenniń sýy adamǵa qaýipsiz bolǵanymen, ol óte tuzdy bolǵandyqtan, shomylmaǵan jón. Bir aıta keterligi, aýa temperatýrasy qaıta túsip, jaýyn-shashyn bastalǵanda, ózenniń sýy qaıtadan tabıǵı qalpyna keledi.