Sıngapýr bıligi temeki shegýge ruqsat beriletin eń tómengi jasty 18-den 21-ge arttyrýdy josparlap otyr. Mundaı usynysty parlament qaraýyna densaýlyq saqtaý isteri jónindegi mınıstr Emı Khor usyndy.
«Osy jasqa kelmegen azamttarǵa temeki ónimderin satýǵa tyıym salynady, sondaı-aq, bul zattardy saqtaǵany úshin de jaýapkershilikke tartý máselesin qarastyryp otyrmyz», – dedi mınıstr. Onyń aıtýynsha, bul usynys aldaǵy birneshe jyldyń kóleminde júzege asýy tıis.
El bıligi ótken jyly 400-den astam oryndarda temeki shegýge tyıym salǵan. Sondaı-aq, ortasha eseppen alǵanda aıyppul kólemi 1,7 myń sıngapýrlik dollardy (380 myń teńge) quraıdy.
Sıngapýrdiń densaýlyq saqtaý isteri jónindegi mınıstrliginiń 2010 jylǵy málimetterine sáıkes, 18-69 jas aralyǵyndaǵy azamattardyń jalpy sanynan temeki shegetinder úlesi 14,3 paıyzdy quraıdy.