2017 jyly 9 naýryzda "Qazaqstan Respýblıkasynyń Konstıtýsııasyna ózgerister men túzetýler engizý týraly" Qazaqstan Respýblıkasy Zańynyń Qazaqstan Respýblıkasy Konstıtýsııasyna sáıkestigin anyqtaý maqsatynda Konstıtýsııalyq Keńestiń normatıvtik qaýlysy jarııa etildi, - dep habarlaıdy QR Konstıtýsııalyq Keńesiniń baspasóz qyzmeti.
Bıyl 6 naýryzda Qazaqstan Respýblıkasynyń Prezıdenti atalǵan Zańdy Qazaqstan Respýblıkasynyń Konstıtýsııasyna, onyń ishinde Konstıtýsııada belgilengen qundylyqtarǵa Respýblıka qyzmetiniń túbegeıli prınsıpterine, basqarý nysanyna sáıkestigine qaraý týraly Konstıtýsııalyq Keńeske ótinish joldady. Konstıtýsııalyq Keńes óz sheshiminde 2017 jyly 6 naýryzda Qazaqstan Respýblıkasynyń Parlamenti qabyldap, 2017 jyly 6 naýryzda Qazaqstan Respýblıkasynyń Prezıdentine qol qoıýǵa usynylǵan "Qazaqstan Respýblıkasynyń Konstıtýsııasyna ózgerister men tolyqtyrýlar engizý týraly" Qazaqstan Resýblıkasynyń Zańy Qazaqstan Respýblıkasynyń Konstıtýsııasyna, onyń ishinde Respýblıkanyń konstıtýsııalyq qundylyqtaryna, qyzmetiniń túbegeıli prınsıpterine jáne basqarý nysanyna sáıkes keledi dep qaýly etti.
Esterińizge sala ketsek, 6 naýryzda Parlament Qazaqstan Konstıtýsııasyna engizilgen túzetýlerdi qabyldaǵan bolatyn. Birikken komıssııa tóraǵasy Nurlan Ábdirovtiń aıtýynsha, Prezıdent usynǵan zań jobasynda Konstıtýsııanyń 19 babyna 26 túzetý qarastyrylǵan.