Ortalyq kommýnıkasııalar qyzmetinde Parlament Cenatynyń depýtattary, Konstıtýsııalyq zańnama, sot júıesi jáne quqyq qorǵaý organdary komıtetiniń tóraǵasy Serik Aqylbaı men Áleýmettik- mádenı damý jáne ǵylym komıtetiniń hatshysy Vladımır Redkokashınniń qatysýymen «Qazaqstan Respýblıkasynyń Konstıtýsııasyna ózgerister men tolyqtyrýlar engizý týraly» Zańyna arnalǵan baspasóz máslıhaty ótti.
Brıfıngte Senat depýtattary 6 naýryzda atalmysh zańnyń Parlament palatalarynyń birlesken otyrysynda qabyldaǵanyn aıtty. Osyǵan baılanysty depýtattar Ata zańǵa engizilgen ózgerister men túzetýlerdiń máni men mańyzyn aıtyp, konstıtýsııalyq reformaǵa qatysty óz pikirlerin bildirdi.
Senat depýtaty Serik Aqylbaıdyń aıtýynsha, qazirgi kezde elimiz qoǵamdyq qatynastardyń damýyna qaraı, kezeń-kezeńmen ilgeri basyp keledi.
-Elbasy usynǵan konstıtýsııalyq reformanyń negizgi máni – memlekettik bılik tarmaqtary arasynda ókilettikterdi qaıta bólý dep bilemiz. Reformanyń basty maqsaty – prezıdenttik bıliktiń rólin nyǵaıta otyryp, atqarýshy bılik pen Parlamenttiń baqylaý fýnksııalaryn kúsheıtý. Bizdiń oıymyzsha, usynylǵan konstıtýsııalyq túzetýler memleket pen qoǵamnyń tarıhı damý qısynyna saı keledi, – dedi ol.
Sonymen birge ol qoldanystaǵy Konstıtýsııanyń qabyldanǵaly 22 jylǵa ýaqyt ótkenin, osy ýaqytta elimiz óz damýynda orasan zor jetistikterge jetkenin, qazir elimizdiń 1995 jylmen salystyrǵanda Memleket basshysy belgilegen strategııalyq baǵyt boıynsha ornyqty ári kezeń-kezeńmen ilgerileý arqasynda múldem basqa elge aınalǵanyn atap ótti.
–Búgingi tańda Qazaqstan eýrazııalyq keńistikte áleýetti múmkindigi zor memleketke, al Ortalyq Azııa aımaǵynda kóshbasshy elge aınaldy. Bolashaqta biz álemniń ozyq damyǵan 30 memleketiniń qataryna kirýdi maqsat etip otyrmyz. Memleket basshysy usynǵan konstıtýsııalyq reforma der kezinde qolǵa alyndy, ol ári qajettilikten týyndap otyr dep oılaımyz. Ony iske asyrý úshin bizde barlyq qajetti zııatkerlik jáne resýrstyq áleýet jetkilikti, – dedi S.Aqylbaı.
Osy rette Senat depýtaty azamattardan jarııalanǵan jobaǵa 6000-ǵa jýyq usynystardyń, al Konstıtýsııanyń birqatar normalaryna halyq qalaýlylary tarapynan 26 túzetýdiń kelip túskenin aıtyp, olardyń barlyǵy arnaıy qurylǵan Birlesken komıssııada jan-jaqty qaralǵanyn jetkizdi.
Odan ári ol komıssııa jumysynyń qorytyndysy boıynsha Parlament palatalarynyń birlesken otyrysynyń qaraýyna Konstıtýsııagyń 6 babyna qosymsha túzetýlerdiń engizilgenin, olardy depýtattar biraýyzdan qoldap, tıisti qaýly qabyldaǵanyn málimdedi.
–Jalpy, Parlament qoldanystaǵy Konstıtýsııanyń 25 babyna 32 túzetý úshin zań qabyldady. Ol Elbasynyń qol qoıýyna usynyldy. Qazirgi kezde Memleket basshysy atalǵan zań jobasyn Konstıtýsııanyń 72-babyna sáıkes Konstıtýsııalyq Keńestiń qaraýyna jiberdi, – dedi ol.
Kezdesýde Senat depýtaty Vladımır Redkokashın de «Qazaqstan Respýblıkasynyń Konstıtýsııasyna ózgerister men tolyqtyrýlar engizý týraly» Zańnyń máni men mańyzyn aıtyp, búgin-erteń oǵan Elbasy qol qoıatyn bolsa Qazaqstan jańa saıası turpattaǵy elge aınalatynyn aıtty.
Dastan KENJALIN, «Egemen Qazaqstan»