Memleket basshysy Nursultan Nazarbaev Serbııa Respýblıkasynyń Prezıdenti Tomıslav Nıkolıchpen telefon arqyly sóılesti, dep habarlaıdy Aqordanyń resmı saıty.
Áńgimelesý barysynda taraptar ekijaqty ózara is-qımyldyń ózekti máselelerin talqylady.
Memleketter kóshbasshylary Qazaqstan Prezıdentiniń Belgradqa 2016 jylǵy 23-25 tamyzdaǵy resmı saparynyń qorytyndysy boıynsha qol jetkizilgen ýaǵdalastyqtardyń iske asyrylý barysyna kóńilderi tolatynyn aıtty.
T.Nıkolıch Nursultan Nazarbaevtyń basshylyǵymen Qazaqstanda saıası jáne ekonomıkalyq jańǵyrtý baǵytynda júzege asyrylyp jatqan reformalarǵa joǵary baǵa berdi.
Eki el prezıdentteri Qazaqstan men Serbııanyń dostyq qarym-qatynasyn odan ári nyǵaıtýǵa ázir ekendikterin bildirdi.
Telefon arqyly sóılesýge Serbııa jaǵy bastamashy boldy.