Aıbergenov álemi

Tólegen Aıbergenov beınesi de óziniń poezııasy sııaqty sartap saǵynyshqa aınalyp, ǵasyr qoınaýyna sińip barady. Kúni keshe ortańda bolǵandaı, "Suńqar tósi tompıyp qarsy qarap" turǵandaı seziletin, qazaq poezııasyndaǵy saǵynysh ólshemin jeke-dara júgindirip qoıǵan aqyndy bar-joǵy 30 jyl der basypty degenge ózińdi de, ózgeni de sendirip kór... Bıyl aqynnyń týǵanyna – 80 jyl. Osyǵan oraı Qazaqstan Jazýshylar odaǵynda «Tólegen Aıbergenov poezııasy jáne qazirgi zaman» atty halyqaralyq ǵylymı-teorııalyq konferensııa ótti. Túrkııa, Qytaı, О́zbekstan, Qyrǵyzstan memleketterinen, Qazaqstannyń ár túkpirinen kelgen ókilder men qo­naq­tardyń qatysýymen ótken keshtiń shy­myl­dy­ǵy «Aıbergenov álemi» atty derekti fılmniń tusaý­ke­serimen ashyldy. Aqyn, Halyqaralyq «Alash» ádebı syı­lyǵynyń ıegeri Ádilǵazy Qaıyrbekov mode­ra­torlyq etken konferensııada eń tańdaýly degen jeti baıan­dama jasaldy. Bulaı deıtinimiz, kon­ferensııaǵa at­sa­lysqan kórshiles elder men Qa­zaqstannyń ár ob­lysynan 70-ke jýyq baıandama kelip túsipti. Bul – qazaq degen halyqtyń aqyn murasyna degen qyzyǵýshylyǵynyń, qurmetiniń kórinisi bolsa kerek. Konferensııanyń alǵy sózin aqyn, Qazaqstan Jazýshylar odaǵy basqarma tóraǵasynyń birinshi oryn­basary Ǵalym Jaılybaı aıtty. Fılologııa ǵy­lymdarynyń doktory, pro­fessor, Memlekettik syı­lyq­tyń ıegeri Mekemtas Myr­zah­metov, «Qazaq eli» jýrna­ly­nyń Qyrǵyzstandaǵy til­shisi, fılolo­gııa ǵylymdarynyń dok­­tory Oǵyz Doǵan, aqyn Svet­­qalı Nurjan, M.Áýezov atyn­daǵy Ádebıet jáne óner ıns­­tıtýty, teatr jáne kıno bó­liminiń meńgerýshisi Aman­geldi Muqan, fılologııa ǵylym­da­rynyń kandıdaty, dosent Sal­tanat Aıbergenova, aqyn Maq­­sat Álseıitov, TarMPI «Baýyr­jantaný» ǴZO ǵylymı qyzmetkeri Álimbaı Naızabaev aqyn shy­­ǵarmashylyǵynyń ár qyryna toqtalyp, baıandama jasady. Halyqaralyq jıynnyń qory­tyndysynda el Úkimetine Shym­kent qalasyndaǵy T.Aıber­genov kó­she­sine eskertkish ornatý; Bilim jáne ǵylym mınıstrligine OQMPI janynan «Tólegentaný» ǵylymı-zertteý ortalyǵyn ashý; Qazaqstan Jazýshylar odaǵyna Tólegen Aıbergenovtiń tolyq shyǵarmalar jınaǵyn basyp shyǵarýdy uıymdastyrý; Almaty qalasy ákim­digine Buhar jyraý kóshesindegi №81 mektepke T.Aıbergenov atyn berý; Almaty qalasyndaǵy Markov kóshesin T.Aıbergenov atyna aýystyrý jaıyn­da usynys joldaý týraly qarar qabyldandy. Atalmysh konferensııa Tó­legen Aıbergenovtiń 80 jyl­­dyǵy qarsańynda atqarylar sha­ra­lardyń basy ǵana ekenin aıta ketken jón. Almas NÚSIP, «Egemen Qazaqstan» ALMATY