Aldaǵy aptada elimizde joǵary deńgeıdegi dıplomatııalyq kelissózder men óńirlik mańyzy bar halyqaralyq forýmdar uıymdastyrylady. Saıası seriktestikti nyǵaıtý, ekologııalyq qaýipsizdik jáne óńirlik yntymaqtastyqty keńeıtý máseleleri talqylanady, dep jazady Egemen.kz.
Aqordanyń baspasóz qyzmetiniń málimdeýinshe, 20-23 sáýir kúnderi Prezıdent Qasym-Jomart Toqaevtyń shaqyrýymen Mońǵolııa Prezıdenti Ýhnaagıın Hýrelsúh Qazaqstanǵa memlekettik saparmen keledi.
Joǵary deńgeıdegi kelissózder barysynda eki el arasyndaǵy saıası, saýda-ekonomıkalyq jáne mádenı-gýmanıtarlyq yntymaqtastyqty damytý perspektıvalary qaralady. Kezdesýler nátıjesinde ekijaqty qatynastardy jańa deńgeıge kóterýge baǵyttalǵan birqatar sheshim qabyldanýy múmkin.
Prezıdent «Iаlla» ansambliniń kórkemdik jetekshisi Farrýh Zakırovke quttyqtaý jedelhatyn joldady
22-24 sáýir aralyǵynda Astanada О́ńirlik ekologııalyq sammıt (#RES2026) ótedi. Bul – BUU aıasynda qurylǵan jańa dıalog alańy.
Sammıttiń negizgi maqsaty – Ortalyq Azııanyń ornyqty damýyna ortaq kózqaras qalyptastyrý, sondaı-aq klımattyq jáne ekologııalyq syn-qaterlerdi eńserý boıynsha birlesken sheshimder ázirleý. Jıynǵa birqatar memleket pen úkimet basshylary, sondaı-aq halyqaralyq uıymdardyń jetekshileri qatysady.
Prezıdent birqatar memlekettiń elshilerinen senim gramotalaryn qabyldady
Sonymen qatar 22 sáýir kúni Prezıdent Qasym-Jomart Toqaevtyń tóraǵalyǵymen Halyqaralyq Araldy qutqarý qorynyń quryltaıshy memleketter basshylary keńesi ótedi.
Keńes barysynda Aral teńizi aımaǵyndaǵy ekologııalyq ahýaldy jaqsartý, sý resýrstaryn tıimdi basqarý jáne óńir elderiniń birlesken ekologııalyq bastamalaryn kúsheıtý máseleleri talqylanbaq.