Astana qalalyq ákimdik janyndaǵy halyqty jumyspen qamtý boıynsha vedomstvaaralyq komıssııa suranysqa ıe mamandyqtardy qysqa merzimdik kásibı oqytatýǵa at salysatyn kolledjder men mektepterdiń tizimin jasady.
Qysqamerzimdi kýrstar bıyl Astanada mektepke deıingi bilim berý uıymdarynyń tárbıeshisi, aspaz, naýbaıshy, tiginshi, shashtaraz, elektr-gaz dánekerleýshi, elektromontajdaýshy, saýda menedjeri, baqylaýshy kassır men daıashy mamandyqtaryna baýlıdy.
Aıta ketý kerek, 2017 jyly 2017-2020 jyldarǵa arnalǵan Halyqty jumyspen qamtý jáne jappaı kásipkerlikke tartý baǵdarlamasy aıasynda 500 jumyssyz azamatqa tegin kýrs berý josparlanǵan.
Jalpy, Astananyń 14 oqý orny osy baǵdarlamaǵa úmitker boldy.
Komıssııa sonyń ishinde 8 oqý ornyn tańdap aldy. Atap aıtar bolsaq, «Astana qalalyq menedjment jáne bıznes kolledji» JShS, «Eýrazııalyq gýmanıtarlyq ınstıtýt kolledji» mekemesi, Astana qalasy ákimdiginiń "Kópprofıldi kolledji», «Basqarý kolledji» JShS, «Isker" bıznes akademııasy» JShS, «Shashtarazdar mektebi» JShS, «Aqmola kýrs kombınaty» JShS jáne "Ortalyq" JShS.