Orta salmaqta WBA (Super), IBO, WBC jáne IBF nusqalary boıynsha álem chempıony Gennadıı Golovkın men WBA (Regular) belbeýiniń ıegeri Dennıel Djeıkobs (32-1, 29 KO) arasyndaǵy boks keshinde kimderdiń judyryqtasatyny tolyǵymen belgili boldy.
Bul kúni 35 jastaǵy amerıkalyq Mett MakKıneı (3-2-2, 1 KO) 19 jastaǵy brıtanııalyq Djeı MakFarleınmen (2-0, 2 KO) judyryqtassa, 21 jastaǵy ýkraınalyq Sergeı Bogachýk (2-0, 2 KO) 28 jastaǵy Iаsmanı Pedrosomen (1-1, 1 KO) kúsh synasady.
Buǵan deıin Golovkın-Djeıkobs jekpe-jeginiń anderkartynda orta salmaqta WBO chempıony Endı Lı (34-3-1, 24 KO) men amerıkalyq Keandre Lezervýd (19-3-1, 12 KO) qolǵap túıistiretini belgili bolǵan.
Sonymen qatar, osy kúni myna jekpe-jekter ótedi:
Roman Gonsales (Nıkaragýa, 46-0, 38 KO) – Vısaksıl Vangek (Taıland, 41-4-1, 38 KO);
Karlos Kýadras (Meksıka, 35-1-1, 27 KO) – Davıd Karmona (Meksıka, 20-3-5, 8 KO);
Raıan Martın (AQSh, 17-0, 10 KO) – Braıant Krýz (AQSh, 17-1, 8 KO)
Aıta keteıik, bul kesh 18 naýryz kúni Nıý-Iorktegi Madison Square Garden arenasynda ótedi. Bul jekpe-jekti elimizde «Qazaqstan» jáne «KazSport» telearnalary tikeleı efırde kórsetedi.