Úkimettiń jaýapkershiligi artady

О́tken jumada Memleket basshysy «Qazaqstan Respýblıkasynyń Konstıtýsııasyna ózgerister men tolyqtyrýlar engizý týraly» Zańǵa jarııaly túrde qol qoıǵan bolatyn. Osyǵan baılanysty keshe Ortalyq kommýnıkasııalar qyzmetinde ótken baspasóz máslıhatynda Parlament Senatynyń áleýmettik-mádenı damý jáne ǵylym komıtetiniń hatshysy, Senat depýtaty Jabal Erǵalıev Ata Zańymyzdyń 57-baby 6-tarmaqshasyna engizilgen tolyqtyrý jóninde áńgimelep berdi. Elimiz táýelsizdigin jarııa­laǵan alǵashqy kúnnen bastap óziniń zaıyrly ári quqyqtyq demokratııalyq memleket ekenin dáleldep keledi. Qazaqstannyń damý joly álemdik saıasatta da, álemdik ekonomıka salasynda da moıyndalǵany belgili. Bul oraıda Ata Zańymyzdyń mańyz­dy ról atqaryp kele jat­qanyn erekshe atap ótýge bolady. Depýtat konstıtýsııalyq reforma barysynda, ıaǵnı, qańtar aıynyń 26-sy men aqpan aıynyń 26-sy aralyǵynda búkilhalyqtyq talqylaý júr­gizilip, kez kelgen qazaqstan­dyq­tardyń, qoǵamdyq uıymdar men partııalardyń óz pikir­lerin, usynystaryn aıtýǵa tolyq múmkindik jasalǵanyn, Prezıdent Ákimshiliginiń Bas­shysy Ádilbek Jaqsybekov bastaǵan jumys toby osy túsken pikirlerdiń bárin jınaqtap, saralaýdan ótkizgenin eske saldy. «Konstıtýsııanyń 57-ba­bynyń 6-tarmaqshasyna en­gizilgen tolyqtyrý jóninde aıtyp ótsek, Parlament pala­­ta­­larynyń kez kelgeni depýtat­­tardyń jalpy sanynyń kem degende úshten biriniń basta­masy boıynsha Úkimet múshe­leriniń óz qyzmetteri jaıly esebin tyńdaýǵa quqyly. Esepti tyńdaý barysynda depýtattardyń úshten ekisi­niń, ıaǵnı, kópshi­liginiń basym daýysymen eger olar respýb­lıkanyń zańdy­lyq­taryn oryndamaǵan jaǵdaıda Úkimet múshelerin oryndarynan bosatýdy Prezıdentten suraı alady. Mundaı jaǵdaıda Prezı­dent Úkimet múshelerin ornynan bosatady degen ózge­rister engizildi, – dedi Parla­ment Senatynyń depýtaty. – Al, buryn osyndaı jaǵdaıda Pre­­zı­denttiń depýtattardyń mun­daı usynysyn keıinge shegerýge quqy bolatyn. Depý­tat­­tar bul máseleni tek alty aı ýaqyt ótkennen keıin ǵana qaıta kóterýge quqyly bolatyn». Depýtat bul ózgerister Par­lament ókilettigin kúsheıtýge jáne Úkimettiń Parlament al­dyndaǵy jaýapkershiligin arttyrýǵa baǵyttalǵanyn atap kórsetti. Aıdar О́RISBAEV, «Egemen Qazaqstan»