Qar sýyna qamdanys qandaı?

Qaraǵandy oblysynyń ákimi Nur­muham­bet Ábdibekov Qarqaraly aýdany­nyń kóktemgi sý tasqynyna daıyn­dyǵyn tekserdi. «Jyl sa­ıyn sý tasqyny osy jerden bastalatyn­dyqtan, arnaıy kelip otyrmyz. О́zen osy jerden bastalady. Jospar­lan­ǵan sý tasqynyna qarsy is-shara­lar­dy júzege asyrýdyń barysymen tany­samyz. Bi­zdiń min­detimiz – tóten­she jaǵdaılarǵa jol bermeý jáne adamdardyń qaýipsizdigin qam­tamasyz etý», dedi óńir basshysy. Oblys ákimi, sonymen qatar, sý basý qaýpi bar Qarqaralynyń birne­she aýy­lyn aralady. Oblys ákimi Nura ózeni­niń boıyndaǵy Yntaly aýyly­nyń jaǵdaıymen tanysty. Kóktas aýyly­na jaqyn mańda Nurmuhambet Ábdi­bekov Qarqaraly aýdanynyń ákimi Halel Maqsutovtyń aǵymdaǵy jaǵdaı men qabyldanatyn sharalar týraly baıandamasyn tyńdady. Ob­lys ákimi, son­daı-aq, Tegisshildik aýyly­nyń janyndaǵy Jarly ózeniniń jaǵasyn qarady. Sonymen qatar, Nurmuhambet Ábdi­bekov qardyń as­tyn­da qalý qaýpi bar Búrkitti aýyl­y­nyń turǵyndarymen kezdesti. Aýyl turǵyn­dary­nyń aıtýynsha, 50 jyl­dan beri mun­daı qalyń qar jaýmaǵan. Aýdan basshysy qar shyǵarý jumystary uıym­dastyrylǵanyn, jumystarǵa arnaıy tehnı­kanyń tartylǵanyn habarlady. Osy rette Qaraǵandy oblysynda «Qara­ǵan­dy – Aıagóz – Tarbaǵataı – Buǵaz» avto­kólik jolynyń ýchas­ke­sin­de uzyndyǵy 94 shaqyrym jol jaby­nyna ortasha jóndeý jumys­tary júr­gizilmek. Jobaǵa jol as­tyn­­daǵy sý ótkizý qudyqtaryn aýys­­ty­rý da engizilgen. Sondaı-aq, Ma­taq aýy­lyn qyzyl sýdan qor­ǵaı­tyn bó­get­tiń qurylysy qaras­ty­ryl­­ǵan. Jobanyń jalpy quny – 499 mln teńge. Jumystar 2017 jylǵa jospar­lanǵan. «Búgin belgilengen jumystar keshe­niniń iske asyrylyp jatqanyn kórdik. Qosymsha kúsheıtýdi qajet etetin jaıt­tar bar. Saqtansań – saqtaıdy demek­shi, bıylǵy qyzyl sýdyń qarqyny byltyr­ǵy­dan kem bolmaýy múmkin», dedi Nurmuham­bet Ábdibekov. Jalpy, oblystyń 2017 jylǵy sý tas­qynyna daıyndyǵy josparly túrde ótip jatyr. Materıaldyq jáne qarjylyq qor jasalǵan. Mıras ASAN, «Egemen Qazaqstan» Qaraǵandy oblysy