Dostyqtyń dánekeri

Lıza Qadyrqyzyn Shymkentte bilmeıtinder kemde-kem desek qatelespespiz. О́ıtkeni, Lıza apaı qashanda ońtústiktegi yntymaǵy uıyǵan kóp ulttyń arasyn­da­ǵy qoǵamdyq jumystardyń bel ortasynan tabylady. Qoǵamdyq jumystyń da túr-túri bar. Apaıdyń ońtústikte «Yntymaq» etnosaralyq mádenı birlestigine basshylyq jasap, ju­mysyn joǵary deńgeıde jan­dan­dyryp kele jatqanyna segiz jyl bolypty. Segiz jyl tarıh úshin az ýaqyt bolǵanymen, oń­tús­tiktegi ulttar úshin tatýlyq pen berekege toly jyldar ekeni anyq. Ár jyldyń is-josparyn tııanaqty túzip, jumysqa belsene aralasatyn ol osy ýaqyt ara­lyǵynda etnostar arasyndaǵy dostyqqa altyn kópir salatyn kóp­tegen mádenı is-sharalardyń uıytqysy bola bildi. Túrli kezdesýler, ǵylymı-praktıkalyq kon­ferensııalar, konsertter, qaıyrymdylyq is-sharalary – jastarǵa patrıottyq tárbıe beretin keshterdiń bári de Lıza apaısyz ótken emes. Ońtústik Qazaqstan obly­syn­da 20 etnomádenı birlestik bar. «Yntymaq» etnosaralyq mádenı birlestigi solardyń basyn biriktirý úshin jumys jasaıdy. Or­ta­lyqtyń jumys jospary mádenı-etnografııalyq damý tarıhy­myz­ǵa negizdelgen. О́ńirimizdegi bar­lyq ult ókilderi ortalyqtyń ju­mysyna belsene aralasady. Qa­ladaǵy mekemelermen, túrli oqý oryndarymen, saıası partııalarmen, ákimdik janyndaǵy otbasy jáne áıelder isteri jónindegi ko­mıssııamen, «Qyzyl Aı» qo­ǵamdyq, «Qorǵan» balalar qor­lary­men birlesip, dataly kún­derge oraı mádenı is-sharalar uıymdastyryp keledi. Ortalyqtyń memlekettik tildi damytýda, mádenı muramyzdy nasıhattaýda atqaryp kele jat­qan jumystary mazmundy­lyǵy­men, jastarǵa patrıottyq tár­bıe berýde utqyrlyǵymen erekshelenedi. Qoǵamdaǵy barlyq sala dostyqpen tinin jalǵap jat­qandyqtan, «Yntymaq» ortaly­ǵy­men kópshilik uıymdar tyǵyz baı­lanys jasap otyrady. «Yn­ty­maq» ortalyǵy sońǵy jyl­da­ry OQO ishki saıasat departamenti ótkizetin tenderlerge qatysý­da. Sonymen birge, arnaıy grant­tardy jeńip alyp, qoǵamdyq ma­ńyzy bar jumystardy atqarýda. Qoǵamdaǵy kómekke zárý jan­darǵa qolushyn berý de negizgi jumystardyń biri. Kemtar bala­larǵa sanatorıılerde demalý úshin joldama alýǵa, jetim bala­lardy demalys oryndaryna jiberýge, kóp balaly analarǵa ma­te­rıaldyq kómek kórsetýge sebepker bolyp keledi. Ortalyq qoǵamdyq birlestik bolǵandyq­tan, is-sharanyń bári demeý­shi­lerdiń kómegimen atqarylady. Turaqty demeýshilerdiń biri – belgili azamat Anarbek Orman. Dostyq – baǵa jetpes baı­lyq deımiz. Irgeli dostyqqa jetý úshin aýqymdy jumystar atqarýmen birge, qoǵammen má­denı baılanystar ornatý qa­jet ekeni aıan. Osyǵan oraı, or­talyqtyń janynan quryl­ǵan mádenı mura seksııasy, aqsaqaldar toby, ájeler toby, ardagerler toby, «Shańyraq» klýby, «Dostyq» úıirmesi, patrıot jastar klýby, «Shyn júrekten» qaıyrymdylyq qory, «Yntymaqtyń» jastar qanaty, ǵylymı-saraptamalyq seksııa, «Ýshý-sanda» sport klýby oblystaǵy ózge etnos­tar­men tyǵyz baılanysyp ju­mys júrgizýde. Ár seksııa ar­naıy is-jospar túzip, dostyq­tyń ny­ǵaıýyna belsene atsalysýda. Halqymyzdyń tarıhı-mádenı murasy baı. Ári óner­ge qashanda qushtarmyz. Dos­tyq­qa qushaǵymyzdy keń jaıa­myz. Qazaqstanda 130-dan asa etnos ókilderi tereń dostyq aıa­synda ultymyzben bite qaına­syp ómir súrýde. Etnostardyń birligine, dostyǵyna elimizdegi Qazaqstan halqy Assambleıasy úlken uıytqy bolýda. «Yn­ty­maq» ortalyǵy tanylmaı júrgen etnostardyń bir-birimen tany­syp, tabysýyna yqpal etip oty­rady. Ortalyqtyń maqsaty da Elbasymyzdyń berik saıasatyn qoldap, olardyń tatý-tátti dos­tyq­pen ómir súrýine múm­kin­dik­ter jasaý bolyp tabylady. Sóz joq, dostyqqa jol ashatyn múm­kindikter sheksiz. Ony tynymsyz eńbektiń arqasynda ǵana iske asyrýǵa bolady. Barlyq múm­kin­dikterge jol ashýǵa umtylyp, dos­tyqtyń altyn kópirine aına­lyp júrgen Lıza apaıǵa óńirde qurmetpen qaraıtyndar kóp. Alǵashqyda qazaq etnomádenı ortalyǵy bolyp qurylǵan «Yn­tymaqtyń» atqarǵan jumystary aýyz toltyryp aıtarlyqtaı. Áıel-ananyń júregi qashanda eldiń birligin, yntymaǵyn tilep turady. Tatýlyq jolynda áıel­der kóp eńbektenedi. Otbasynyń, eldiń tynyshtyǵyna jaýapkershilikpen qaraıdy. Aqylmen sheshim qabyldaıdy. Aınalasynda­ǵy­larǵa kúlki, shattyq syıla­ǵan­dy unatady. О́zgelerden jına­qy­lyqty, jaýapkershilikti talap etedi. Osyndaı izgi qasıetter jıyntyǵyn Lıza Baıan­qu­lova­nyń boıynan tabýǵa bolady. Ol belsendi minezimen zamandas­taryna tanymal bolyp, bıik belesterden kórinip júr. Ynty­maqty saqtaýda, dostyqty dárip­teýde atqarǵan qyzmeti úshin kóptegen nagradalarǵa ıe boldy. Ol «Dostyq» ordeniniń ıegeri. Táýelsizdigimizdiń 10 jyldyǵy medalimen marapattalǵan. Túr­kis­tan qalasynyń qurmetti aza­maty. Qazaqstan Respýb­lı­kasynyń mádenıet qaıratkeri. Lıza apaı ómirde qansha qıyndyqtar kórse de eshqashan moıyǵan emes. О́ziniń boıyna ana sútimen daryǵan qasıet­te­rine, iskerlik qabiletine senedi. Áıel tirshilikti júregi men aqyl súzgisinen ótkizip, jamandyq ataýlymen kúrese bilgende ǵana ana atanbaq. Elge syıly bolý ekiniń biriniń qolynan kele bermeıdi. Qyryq bes jyldan beri elge aıanbaı qyzmet etip kele jatqan Lıza Qadyrqyzy ardaq­ty, ári baqytty áıel. Al «Yntymaqty» bolashaqta qyrýar ister kútip tur. Dostyq­tyń ózi de sheksiz eńbekpen keletin baılyq emes pe? Baǵa jetpes baılyqty baǵalap, yntymaqtyń yrysyn ulyqtap júrgen etno­mádenı birlestikterdiń qyzme­tine bereke, ómirlerine mereke tileımiz. Dostyqtyń altyn kópi­rine jol salyp júrgen Lıza apaı sııaqtylarǵa el árqashan rıza. Keń baıtaq elimizde ynty­maǵy jarasqan etnostardyń birligi nyǵaıyp, álemde aldyńǵy qatarly el bolýǵa dostyǵymyz dáneker bolyp otyrsa, úlken jetistiktiń biri osy emes pe?! Dildágúl NURMAHANBET. Ońtústik Qazaqstan oblysy.