Turaqtylyq tiregi – tatýlyq

Biz – qazaqstandyqtarmyz! ERLIKTIŃ ERENI – ELDIKTIŃ ERLIGI 3 sáýir kúni Qazaqstan halqy sondaı erlik tanytty. Eldik erligi aldymen saılaý­shy­lardyń 90 paıyzdan astamynyń daýys berýge kelýinen kórindi, odan keıin sonsha saılaýshynyń 95 paıyzdan astamynyń bir adamǵa – táýelsiz Qazaqstan memleketin qu­rýshy, Ult kóshbasshysy, Elbasy Nursultan Nazarbaevqa daýys berýinen kórindi. Búgingi tańda álem saıasattanýshylary Nursultan Nazarbaevtyń saılaýdaǵy jar­qyn jeńisiniń fenomendik sıpatyn taldap, tarazylap jatyr. Qatpary qalyń osynaý qazaqstandyq qubylystyń sebepteri kóp. Solardyń arasyndaǵy eń bastysy – egemendiktiń eleń-alańynan beri elimizde dáıim qoǵamdyq turaqtylyq saqtalyp kele jatqandyǵy. Al turaqtylyqtyń basty tetigi – tatýlyq. «Birlik – bizdiń qasıetti týymyz», degen bolatyn Prezıdent táýel­sizdik týyn jańa tikken tusta-aq. «Qazaq­stan­daǵy ultaralyq jarastyqtyń negizgi uıyt­qysy bolý mindetin aldymen osy ata­me­kenniń ıesi – qazaq halqy óz moınyna alýy kerek», degendi de sol kezde aıtyp, mindettegen. Halqymyz ol mindettiń úde­sinen shyǵa bildi. Tarıh toǵystyryp, taǵdyr tabystyrǵan san etnostyń basyn biriktirip, týystyq týyn qolda berik ustaı bildi. Elimizdi meken etken alýan etnostar ókilderi de memleketti aıaǵynan tik turǵy­zyp, eldi eńselentken, bara-bara álemge áı­gili etken Kóshbasshymyzdyń tóńiregine top­ta­syp, azamattyń altyn basyn ardaqtaı aldy. Elbasymyzdyń: «Birligi berekeli, tirligi merekeli, yntymaǵy jarasqan eldiń ǵana yrysy men tabysy mol bolmaq», degen sóz­derin tatýlyqtyń týy etip ustady.  О́ıtkeni, bizdiń bárimizdiń múddemiz bir. Prezıdent bul jaıynda da: «Adam men adamdy, halyq pen halyqty, el men eldi jaqyndastyrar eń berik dáneker – múdde birligi», dep aıshyqty aıtqan.  Bizdiń  múddemiz – ortaq Otanymyz – táýelsiz Qazaqstannyń ósýi, órkendeýi, barsha qazaqstandyqtardyń baıandy baqyty. Qazaqstan halqy Assambleıasynyń dúı­sen­bi kúni ashylatyn XVII sessııasy qar­sa­ńynda jarııalanyp otyrǵan myna fotolar – bizdiń elimizdegi qoǵamdyq jarasym men etnosaralyq kelisimniń kelisti kórinisteri.