Tarbaǵataı turǵyndary oralǵa qoldaý kórsetýde

Batys Qazaqstan oblysy topan sýdyń astynda qalyp, tótenshe jaǵdaıǵa tap bolyp otyr. Apattan myńdaǵan adamdar zardap shegýde. Osyǵan oraı, keshe Tarbaǵataı aýdanynyń Kókjyra aýylynda óńir jurtshylyǵy tasqynnan zardap shekken batysqazaqstandyq turǵyndardy qoldaýǵa arnalǵan aksııa ótkizdi. – Biz, Tarbaǵataı aýdanynyń jurtshy­ly­ǵy, byltyrǵy qolaısyz kóktem mezgilinde tasqynnyń zardabyn kórip, beınetin shekken halyqpyz, – dedi Tarbaǵataı aý­da­ny ákiminiń orynbasary Silámbek Ázim­hanov. – Búgin biz Batys Qazaqstan obly­sy­nyń birqatar eldi mekenderinde sý tas­qynynan zardap shekken aǵaıyndy qoldaý jóninde arnaıy aksııa uıymdastyryp otyrmyz. Byltyrǵy kóktemdegi qıyn-qystaý kezde Tarbaǵataı aýdanyna Elbasy, Úkimet jáne búkil qazaqstandyqtar qolynan kelgen kó­me­gin aıaǵan joq. Osy óńirdiń týmalary, osy ólkede túrli issaparlarmen bolyp, sýyn iship, aýasyn jutqan, el-jurttyń syı-syıa­patyn kórgen zııaly azamattar qıyn sátti basynan ótkerip otyrǵan tar­baǵataılyq­tarǵa barynsha kómek kórsetken-di. Silámbek Sháriphanulynyń aıtýynsha, atalmysh qoldaý aksııasyn ótkizý bastama­syn barsha aýdan jurtshylyǵy, sonymen qa­tar qoǵamdyq uıym ókilderi jáne kásip­ker­ler kóteripti. Bul azamattardyń búgingi nıeti – Batys Qazaqstan jurtshylyǵyn ba­ryn­sha demep, qarjylaı qoldaý bildirý. Osy kúni aý­dan­daǵy barlyq mekemeler men ujym­dar­dyń, kásiporyndardyń jumysshy­lary, mektepter men aýrýhanalar qyzmket­ker­leri batys­qazaq­standyq aǵaıyndardy qol­daý jó­nindegi qorǵa birkúndik jalaqy­syn aýdardy. Jıynda sóz sóılegen aýdandyq ardagerler keńesiniń tóraǵasy Muqan Saharıev batys­qazaq­standyqtardyń basyna túsken aýyrtp­alyq búkil qazaq jurtynyń, onyń ishinde Tar­baǵataı halqynyń da basyna tús­ken aýyrt­palyq dep esep­teıdi. Halqy­nyń qamyn oılaı­tyn Elba­symyz turǵanda, da­my­ǵan memleketimiz turǵan­da sizder júde­me­ńizder! Búkil Qazaq­stan halqyn zardap shekken jurtqa kómek berý qoryna birkúndik eń­bekaqylaryn aýdarýǵa shaqyramyn, degen aq­saqal jurtshylyqty bereke-birlikke úndedi. Biz Batys Qazaqstandaǵy aǵaıynnyń qa­­zirgi jaǵdaıyn jaqsy túsinemiz, júre­gi­miz­ben sezinemiz! Búkil kásipkerlerdi, jú­regi jomart, jany jaısań azamattardy osyndaı qaıyrym­dy­lyq jasaýǵa shaqy­ra­myn, dedi «Tarbaǵataı ká­sipkerleri» qo­ǵam­dyq birles­tigi­niń jetekshisi Manat Álim­janova. Kásip­ker áıel bastaǵan aýdan bız­nesmenderi tas­qyn beınetin tartqan otan­dastarymyzǵa 5 mıllıon teńge qarjy jiberip otyr. Kókjyra dárigerlik ambýlatorııasynyń bas dárigeri Jámish Bıǵazına da ózi bas­qaryp otyrǵan emhana qyzmetkerleriniń birkúndik jalaqylaryn batysqazaqstan­dyqtarǵa aýda­ryp otyrǵanyn aıtyp, barsha Qazaqstan dári­gerlerin osy iske atsalysýǵa úndedi. Kók­jyra aýylynyń turǵyny, eńbek ardageri Sovet Ysqaqov, M.Áýezov atyn­daǵy orta mek­tep dırektorynyń orynba­sary Ánýar­bek Demeýbaev tabıǵat apatyna ushyrap otyrǵan batysqazaqstandyq jurtty sabyrǵa shaqy­ryp, qoldaý bildirdi, kókjyralyq aqyn  Dýlat Shiderov myna óleń joldaryn arnady:   Jatsaq ta shalǵaı Shyǵysta, Sálemim jetsin týysqa! Urpaǵy edik qaısar qazaqtyń Synbaǵan san myń urysta! Alladan kelgen bir synaq, Eńseńdi, halqym, tik usta! Táýelsiz, tynysh irgemiz, Jasyma, bizdeı ul men qyz! Qamyqpa, qaısar ata-ana Biz Sizdermen birgemiz! Ońdasyn ELÝBAI. Erjan ÁBISh, jýrnalıst.