Strategııalyq jospar biraýyzdan qabyldandy

Keshe Beıbitshilik jáne kelisim saraıynda Qazaqstan halqy Assambleıasynyń 2020 jylǵa deıingi strategııalyq jospary men Táýelsizdiktiń 20 jyldyǵyn ótkizýge arnalǵan Assambleıanyń is-sharalar josparyn júzege asyrý maqsatynda Assambleıa Keńesiniń keńeıtilgen otyrysy ótti. «Táýelsiz Qazaqstan: Beıbit­shiliktiń, kelisimniń jáne jasam­paz­dyqtyń 20 jyly» atty Qazaq­stan halqy Assambleıasynyń HVII ses­sııa­sy aıasynda ótken keńeıtil­gen oty­rys Memlekettik hatshy Qanat Saý­dabaevtyń qut­tyq­taý sózi­men ashyl­dy. Memlekettik hat­shy eń al­dymen 3 sáýir­de ótken kezekten tys prezıdenttik saılaý­daǵy Nursultan Ábish­ulynyń aı­qyn jeńisin táýel­siz­dik jyldary Ult Kóshbasshysy atqarǵan aý­qym­dy isteri men jetistikterine berilgen joǵary jáne ádil baǵa dep tanýǵa bolatynyn aıtty. Rasynda da, Elbasynyń jeńisi – onyń eldi ári qaraı áleý­mettik-eko­nomıkalyq jáne qoǵam­dyq-saıası jań­ǵyrtýdyń, qazaq­stan­dyq­tardyń ómir súrý deń­geıin arttyrýǵa baǵyt­talǵan stra­te­gııalyq baǵdarlamasyna búkilha­lyq­tyq qol­d­aý­dyń aıqyn kórinisi ekeni daýsyz. Kóptegen halyqaralyq baı­qaý­shylardyń baǵasyna sáıkes, saı­laý joǵary deńgeıde uıym­das­tyry­lyp, ádil ári ashyq ót­ken­digi kóp­shil­ikke belgili. Atal­mysh saılaý baıqaýshylar tara­py­nan táýelsiz Qazaqstan tarı­hyn­da eń úzdik degen baǵaǵa ıe bolyp, elimizdi demokra­tııa­lyq da­mytýdaǵy qaryshtap ilgerileý úlgisin pash etti. Assamb­leıa­nyń keńeıtilgen otyrysynda saılaý qorytyndysy men Memleket bas­shysy Nursul­tan Nazarbaevtyń jeńisi jan-jaq­t­y aıtylyp, jas ereksheligi men shyǵý tegi ártúrli qazaqstan­dyqtardyń erik-jigeri men Elbasy jáne Qazaqstan hal­qy arasyndaǵy birlik jaıy keńi­nen sóz etildi. Búginde álemniń kóptegen elderinde baıqalǵan kúrdeli saıası daǵ­darystar turǵysynan qara­ǵan­da, eli­mizdiń birligi men ynty­ma­ǵynyń baǵa­sy arta túsken. El baqytyna oraı, Elbasy árqashan halyqpen bir­ge bola bildi. Sony­men qatar, halyq ıgiligi men qa­zaq­stan­dyq­tardyń ál-aýqatyn art­tyra otyryp, aıanbaı qyzmet etti. Sanalýan ult pen ulys ókilderi tirshilik etetin ortaq úıi­mizde beıbitshilik pen kelisimdi nyǵaıt­ty. Bul boıyna sırek kezdesetin strategııalyq dana­lyq pen birneshe qadam ilgeri áre­ket ete biletin qasıetterdi jınaq­ta­ǵan shyn mánin­degi jasampaz Kósh­basshy eken­digine osy kúngi otyrysta odan ári kóz jetkize tústik. Búgingi tańda, álemdik ekono­mı­kalyq daǵdarys saldarynan damy­ǵan memleketterdiń ózinde baıqal­ǵan jalaqy deńgeıin, áleý­mettik shy­ǵyndar men zeınetaqy tólem­derin tómendetý, jáne de jumys oryndaryn qysqartý úr­disteri kezinde Elbasynyń dana­lyǵy aıqyn­dala tústi. Qazaqstan jyldan jyl­ǵa jalaqy men zeı­netaqy kólemin arttyryp, jańa jumys oryndaryn ashýdy belsendi túrde jalǵastyryp otyr. Bul – memleket qýatynyń, Ult Kóshbas­shy­synyń halyq aldyndaǵy jaýap­­kershiliginiń naqty nátı­jesi. Qanat Saýdabaev Assambleıa­nyń 2020 jylǵa deıingi stra­te­gııalyq jospary jobasyna, As­sam­bleıanyń Qazaqstan Táýelsiz­diginiń 20 jyl­dy­­ǵyna arnalǵan is-sharalaryn jú­ze­ge asyrý máse­lelerine jeke toq­ta­la kele, Prezıdent Nursultan Na­zarb­aevtyń ózine júktelgen ja­ńa prezıdenttik ókilettiligin Qa­zaq­standaǵy beı­bitshilik pen kelisimdi ny­ǵaı­týǵa, halyq ıgiligin órken­de­týge, eldiń halyqaralyq bedelin art­­tyrýǵa baǵyttalǵan senimdi já­ne údemeli damýdy ári qaraı jal­ǵas­tyratyny anyq ekendigin baıan­da­dy. Sonymen birge, Memlekettik hatshy: «Táýelsiz elimizdiń tarı­hynda bolǵan tamasha oqıǵa – kezekten tys prezıdenttik saılaýda Nur­sultan Ábishulynyń jeńiske jetýi elimizdiń odan ári jasam­paz­dyqpen damýynyń jańa bir bastaýy bol­maq. Kópultty Qazaq­stan óziniń órkendeý jolyn bir­tutas birlikpen, myzǵymas ynty­maqpen aıqyndaı tústi. «El erdi týǵyzady, er elin erteńge bas­taı­dy» degen qaǵıdaly sóz, shyn má­ninde, jaqsy qyrynan jar­qyrap kórindi. Er eldi bastady, el sońy­nan erdi. Bul ulttyq tutastyq pen eldik birliktiń aıqyn aıǵaǵy boldy», – dep atap ótti. Joǵaryda atalǵan máseleler boıynsha Qazaqstan Respýb­lı­kasy Parlamenti Májilisiniń de­pýtat­tary V.G.Vıshnıchenko, Qa­zaq­stan koreıleri qaýymdastyǵy tór­aǵa­sy­nyń orynbasary G.V.Kan sóz sóı­ledi. Bul rette Parlament Májili­siniń depýtaty V.G.Vısh­­nıchenkonyń strate­gııa­lyq qujat týraly aıtqan pikiri barynsha oıǵa qonymdy shyqty. Ol óz baıanda­ma­synda: «Bul qujat Eý­ro­padaǵy qaýipsizdik jáne ynty­maqtas­tyq uıymy men údemeli ındýst­rııa­lyq-ınnovasııalyq damý baǵdarlama­sy­nyń, sondaı-aq 2020 jylǵa deıingi damý stra­te­gııasynyń standart­tary­na saı keledi. Strategııada Qa­zaq­stan hal­qy Assambleıasynyń qu­ramyn saıa­­sı partııalar, qoǵam­dyq birlestikter esebinen ke­ńeıtý, Assambleıa tara­­pynan saılanǵan depý­tat­tardyń zań shyǵarý isindegi rólin kú­sheı­tý isi qarastyrylǵan. Sonymen birge, tol­e­ranttylyq pen etnos­aralyq qa­rym-qatynas or­ta­ly­ǵy men basqa da ǵylymı-zert­­teý birlestikterin qurý jos­par­lan­ǵan. Assambleıa jumy­sy­nyń tıimdiligin arttyrý úshin arnaıy qor qurý kózdelse, odan ózge biryń­ǵaı aqparattyq júıe qurý isi de jos­parǵa enip otyr. Bul aı­maqtaǵy bó­limshelermen ju­mys­ty jandan­dyrý­dy kózdeıdi. Taǵy bir toqtala ketetin jáıt, Assambleıa nátıjesi qazaqstan­dyq etno­jýrnalıstıkany damytýdy da qolǵa almaq», – deı kele, Qazaq­stan halqy Assamb­leıa­syn qar­jy­landyrý isi respýb­lı­kalyq bıýdjet esebinen júrgizi­leti­nine de toqtaldy. Assambleıa Keńesi keńeıtilgen otyrys nátıjesinde Assamb­leıa­nyń 2020 jylǵa deıingi strate­gııa­lyq jos­pary jobasyn maqul­dap, ol jo­bany Qazaqstan halqy Assambleıa­synyń HVII sessııasyna bekitýge usyný týra­ly sheshim qa­byldady. Juldyz BAIDILDA.