Zardap shekkenderge kómek

15 sáýir kúni «Nur Otan» HDP-nyń Parlament Májilisindegi fraksııasy tóralqasynyń otyrysy bolyp ótti, dep habarlady Májilistiń baspasóz qyzmeti. Otyrysta sý tasqynynan zardap shekken Batys Qazaqstan oblysynyń turǵyndaryna kómek kórsetý týraly másele qaraldy. Jaıyq óńirindegi apatty jaǵ­daı eshkimdi de beıjaı qaldyr­masy anyq. Memleket basshysy, partııanyń kóshbasshysy N.Á. Na­zar­baevtyń úndeýine qosylǵan «Nur Otan» HDP fraksııasynyń tóralqasy «Nur Otan» HDP frak­sııasy atynan sý tasqy­ny­nan zardap shekken Batys Qazaq­stan oblysynyń turǵyndaryna bir kúndik eńbekaqy kóleminde kó­mek kórsetý týraly sheshim qabyldady. Bar jaǵdaıdy kózben kórip, máseleni sheshýge yqpal jasaý úshin 15 sáýir kúni depýtattar toby Batys Qazaqstan oblysyna attanyp ketti.