Facebook, Google jáne Twitter jelileri óz qyzmetterin 1 aı ishinde eýropalyq standarttarǵa sáıkestindirmese, Eýroodaq bul kompanııalarǵa aıyppul salady, dep jazady Reuters.
Agenttiktiń habarlaýynsha, 2016 jyldyń jeltoqsanynda kompanııalarǵa olardyń keıbir qyzmetteri eýropalyq tutynýshylar quqyǵyn qorǵaý zańdaryna qaıshy keletini týraly aıtylǵan. Biraq kompanııa ókilderi bul týraly áli pikir bildirmegen.
Eýroodaq atalǵan kompanııa ókilderimen kezdesip, máseleni sheshý joldaryn qarastyrmaq. Eger Eýrokomıssııa talaptary oryndalmasa, kompanııalarǵa aıyppul salynady.