Orta salmaqta WBC, WBA (Super), IBF jáne IBO nusqalary boıynsha álem chempıony Gennadıı Golovkın amerıkalyq Denıel Djeıkobsqa qarsy jekpe-jegi týraly pikirin bildirdi.
«Úlken jekpe-jek ótti. Bul — boks. Maǵan dál osyndaı aıtýly kezdesýler qajet bolatyn. Dennı myqty boksshy. Alǵash ret ózimdi synaqtan ótkizdim. Eger Denıel ekinshi ret aıqasqysy kelse, men oǵan daıynmyn», – dedi Golovkın.
Osy jeńisinen keıin Gennadıı amerıkalyq Bernard Hopkınstiń (55-8-2, 32 KO) ornatqan rekordyna jaqyndaı tústi. Hopkıns 1995-2005 jyldar aralyǵynda orta salmaqtaǵy belbeýlerin 20 ret qorǵaǵan. Al qazaqstandyq boksshy osymen 17-shi ret tıtýldaryn qorǵap otyr.
Búgin AQSh-tyń Nıý-Iork qalasyndaǵy Madison Square Garden arenasynda Gennadıı Golovkın Denıel Djeıkobspen judyryqtasyp, tóreshilerdiń sheshimimen jeńiske jetti. Djeıkobs karerasynda ekinshi márte qarsylasyna ese jiberip otyr.