«Uly dalanyń Naýryzy» merekelik sharasyna 700-den astam ártis qatysady. Olardyń arasynda shyǵarmashylyq ujymdar, aǵash aıaqtar (hodýlıs), dástúrli teatr akterleri, solıster, bı toptary bar. Bulardan ózge buqaralyq «Kórisý» bı fleshmob ótedi. Konsertterge «Iаlla» toby, Aıqyn Tólepbergen, Móldir Áýelbekova, Álı Oqapov, Álisher Karımov, Marjan Arapbaeva, Indıra Edilbaeva, «MýzART», «Aıýmı», «Voice» toptary, Ramazan Stamǵazıev, Jasulan Saqaev, Nurjan Janpeıisov, Erkin Shúkimánov, «Sazgen Sazy» folklorlyq- etnografııalyq ansambli, Aıgúl Qosanova,«Qońyr» toby, «BAHYT KIDS» balalar hory, «Otyrar sazy» folklorlyq -etnografııalyq ansambli, «Alashuly» toby, «Jorǵa» bı toby, «Týǵan jer» bı ujymy, «Alan» toby, Málıka Esmuhanbetova, «MýzART laıf» toby jáne basqalary qatysady.
Astana alańyna kıiz úıler, ár túrli qostar, shatyrlar tigilip, Naýryz taqyrybyna oraı jasalǵan ınstallıasııalar ornatylady. Merekede «Múshel» atty teatrlandyrylǵan kórinis kórsetilip, qazaqtyń kóneden kele jatqan «Samalyq», «Túlik jyry» atty salt-dástúrli, rıtýaldy án-jyrlary oryndalady.
Eki merekelik alańda da mýzyka aspaptarynyń, búrkit pen tazynyń kórmesin kórsetý josparlanǵan. «Naýryz» merekesi barysynda baýyrsaq pen «Naýryz kóje» tegin beriledi. Mereke sońy keshki baǵdarlama men otshashýǵa ulasady.