«Bala Rokfeller esepsiz baılyq, sán-saltanatta ómir súrdi. Ol baýyrlarymen Nıý-Iorktegi Besinshi avenıýde rolık tebýge shyqqanda arttarynan lımýzın erip júretin. Sharshaǵan jaǵdaıda balalar soǵan mine salatyn» dep jazady VVS.
Alaıda, áke-sheshesi balalarǵa aqshanyń qadirin bilýdi úıretti, olardyń boıyna jaýapkershilik sezimin sińirdi. Kún saıyn anaý-mynaýǵa jumsaý úshin olarǵa 25 sentten beriletin. Alaıda, balalar onyń birazyn bolashaqqa jáne qaıyrymdylyqqa dep saqtap qoıýy tıis bolatyn.
Devıd Rokfeller 1915 jyly Nıý-Iorkte týdy. Ol AQSh-tyń 41-shi vıse-prezıdenti Nelson Rokfellerdiń jáne Arkanzas shtatynyń 37-shi gýbernatorynyń inisi edi.
Devıd Rokfeller bızneste bolsyn, qaıyrymdylyqta bolsyn, áýlettiń búkil isin basqardy. «Amerıkan kapıtalızmi kóptegen adamdarǵa kómektesti. Álem tarıhynda eshbir júıe adamdarǵa mundaı kómek kórsetken joq» deıtin ol.
Rokfeller kedeı elderge kómektesýdi qoldady. О́ıtkeni, jaǵdaılary túzelgen soń olar amerıkan taýarlaryn tutynýshylar sanyn kóbeıtýi tıis edi.
Kóptegen basqa mıllıarderler sııaqty emes, ol tabys salyǵyna qarsy kúrespedi. «Mıllıondaǵan dollar tabysqa kenelip, sosyn qalǵan ýaqytty salyq tólemeýdiń joldaryn tabýǵa jumsaý uıat nárse» deıtin ol.
Rokfeller álem boıynsha adamdardyń týýyn shektep, baqylaý kerek degen kózqarasta boldy. Ol energııa men sýdy paıdalanýdyń únemi ósip jatqany, turǵyndar sanynyń kóbeıýi saldarynan atmosferada aýanyń lastanýy sııaqty máselelerden qaýiptendi.
Rokfeller korporasııalardy mýzeılerge qarjylaı kómek berýge shaqyrdy. Onyń jeke kolleksııasynda quny 500 mln dollar shamasynda óner týyndylary bolatyn.
Rokfeller júzdegen eldiń basshylarymen kezdesti. Kóp jerde ony memleket basshysy sııaqty qurmettep kútetin.
1998 jyly oǵan AQSh-tyń azamattyq tulǵalarǵa arnalǵan eń joǵarǵy eki marapatynyń biri Prezıdenttiń bostandyq medali berildi.
Devıd Rokfellerdiń aty tarıhta myqty kásipkerden góri iri fılantrop, ıaǵnı qaıyrymdylyqqa qarjy jumsaýshy qaıratker retinde qaldy.
2006 jyly The New York Times gazeti Rokfeller qaıyrymdylyqqa barlyǵy 900 mln dollardyń aqshasyn jumsady degen málimet jarııalady.
Al 2008 jyly Rokfeller ózi oqyǵan Garvard ýnıversıtetine 100 mln dollar aqsha syılady.
Devıd Rokfeller óziniń Nıý-Iork janyndaǵy ıeliginde uıqyda jatyp qaıtys boldy.