Irak Prezıdentimen kezdesti

Kezdesý barysynda qazaq­standyq elshi Irak basshy­syna Elbasy Nursultan Nazarbaevtyń 2017 jyldyń 10-11 qyrkúıek kúnderi Astana qalasynda ótetin Islam Yn­ty­­maqtastyǵy Uıymynyń Ǵy­lym jáne tehnologııalar jónindegi birinshi sammıtine sha­qyrý hatyn tabys etti. A.Ber­di­baı atalǵan sammıt IYU-ǵa múshe memleketter ara­­syndaǵy ǵylym jáne ınno­­va­sııa jónindegi qatynas­tar­dy nyǵaıtýǵa jańa ser­pin bere­tinin, sondaı-aq, ıslam álemindegi halyqtyń áleý­mettik jaǵdaıyn jaqsartý, ekono­mıkalyq damý maq­satyn­da ǵylym men teh­nologııa­lar­dyń rólin ny­ǵaıtýǵa baǵyt­talǵan joba­lar­dy iske asyrýǵa úles qosa­tynyn jetkizdi.

Kezdesý aıasynda taraptar eki el arasyndaǵy qarym-qa­ty­nastardyń damý kók­jıek­­terin talqylap, kún tár­tibindegi halyqaralyq jáne óńirlik ózekti máseleler bo­ıyn­sha pikir almasty. A.Ber­dibaı Irak Prezıdentin Elba­sy Nursultan Nazarbaevtyń «Qazaqstannyń Úshin­shi jań­ǵyrýy: jahandyq bá­sekege qabilettilik» atty Jol­daýy­nyń negizgi basym­dyqtarymen tanystyrdy.

Kezdesýdiń qorytyndy­synda F.Masým Qazaqstan Prezıdenti N.Nazarbaevtyń sammıtke shaqyrýyna oraı óz alǵysyn bildirip, eki el arasyndaǵy yntymaqtastyqty odan ári nyǵaıtýǵa úles qosa­tyndyǵyn atap ótti. Sony­men birge, ol Elbasynyń para­satty syrtqy saıası basta­ma­laryna jáne qoǵam ınstı­týttaryn damytý maqsa­tynda júrgizip otyrǵan reforma­laryna joǵary baǵa berdi.