Oblystyq ákimdikte ótken memorandýmǵa qol qoıý sharasyna oblys ákimi Janseıit Túımebaev pen dárihana uıymdary tarapynan 40 farmasevtıkalyq uıym basshylary qatysty. Endi otandyq dárilik zattar men medısınalyq buıymdardy óndirýshi kompanııalar men sheteldik taýarlardyń resmı dıstrıbıýtorlary 150 dárilik zattyń baǵasyn jyl sońyna deıin kótermeıtin bolady.
«Memorandýmǵa 150 túrli dári-dármek engizilip otyr. О́ıtkeni bul dárilerdiń áleýmettik mańyzy zor. Osylaısha biz oblys turǵyndarynyń basym bóligine qoldaý kórsetemiz. Halyqtyń áleýmettik álsiz toptaryna qoldaý bildirip, kelisimge qol qoıyp otyrǵan dárihana basshylaryna ońtústik jurtynyń atynan rızashylyǵymdy bildiremin»,- dedi Janseıit Qanseıituly.
Aıta keteıik, bul jolǵy kelisim oblystaǵy farmasevtik mekemeler men dárihanalarda satylatyn dárilik zattardy turaqty baǵada ustaýǵa, sonymen qatar baǵanyń negizsiz kóterilýinen tutynýshylar quqyǵyn qorǵaý jáne áleýmettik alańdaýshylyqty boldyrmaýǵa arnaldy.