Brıtanııanyń Lıverpýl qalasynyń mańyndaǵy Nıý-Ferrı qalasynda bolǵan qaıǵyly jaǵdaıdan jábirlengender sany 32-ge jetti.
Bul týraly jergilikti jedel járdem qyzmeti Twitter paraqshasynda málimdedi.
«Oqıǵany jańartý: 30 adam jeńil jaraqatpen jáne 2 adam aýyr jaraqatpen aýrýhanaǵa jatqyzyldy», — delingen habarlamada.
Buǵan deıin The Mirror gazeti Nıý-Ferrı qalasynda gaz jarylyp, 24 adam jábirlengeni týraly habarlaǵan bolatyn. Basylymnyń málimetinshe, jarylys Qytaı restorany men bı stýdııasynda bolyp, ǵımarat tolyqtaı janyp ketken.
Aıta keteıik, jarylys jergilikti ýaqyt boıynsha 21:15- te bolǵan.