Delegasııany QR Premer-mınıstriniń orynbasary — Aýyl sharýashylyǵy mınıstri Asqar Myrzahmetov bastap ketti.
31 naýryz ben 1 sáýir aralyǵynda QR Premer-mınıstriniń orynbasary — Aýyl sharýashylyǵy mınıstri Asqar Myrzahmetov bastaǵan qazaqstandyq delegasııa Qytaı astanasy Pekınde birqatar mańyzdy kezdesýler ótkizbek, dep jazady QR Aýyl sharýashylyǵy mınıstrliginiń baspasóz qyzmeti.
Delegasııa quramyna Aýyl sharýashylyǵy mınıstrligi ókilderi, óńirlik salalyq basqarma jetekshileri, "QazAgro" Ulttyq holdıngi men onyń úlesker kompanııalarynyń ókilderi, aýyl sharýashylyq qaýymdastyq jetekshileri men bıznesmender bar.
Sharanyń maqsaty - Memleket basshysy Nursultan Nazarbaevtyń Qazaqstan halqyna "Qazaqstannyń úshinshi jańǵyrýy: jahandyq básekege qabilettilik" Joldaýyn iske asyrý, sonyń ishinde aýyl sharýashylyq ónimderiniń eksportyn arttyrý.