Ashyq qoǵamnyń aıshyqty qaǵıdaty

M.Áshimbaev óziniń sózinde kórsetiletin memlekettik qyz­met­­terdi usyný  men ekonomı­kalyq jáne áleýmettik baǵdar­la­ma­lardy sapaly iske asyrý úshin Memleket basshysy N.Nazarbaev usynǵan Bes ınstıtýttyq refor­manyń kásibı memlekettik apparatty qalyptastyrý baǵytynyń mańyzdylyǵyna erekshe toq­tal­dy. 

«Búgingi tańda Elbasy ja­rııa­laǵan Bes ınstıtýttyq  refor­manyń ishindegi mańyzdy baǵyt­tyń biri memlekettik qyzmetti damytýǵa qatysty bolatyn. Ási­rese, kásibı memlekettik appa­ratty qalyptastyrý men dam­ytýǵa basymdyq berilgen. Sońǵy eki jyl ishinde salany jetil­dirýge arnalǵan zańdarǵa ózge­rister men tolyqtyrýlar engizilgeni belgili. Al endi bizdiń osy basqosýymyzdyń basty maq­saty – salaǵa qatysty zań talap­tarynyń oryndalý barysyn egjeı-tegjeıli talqylaý. Negi­zinen, bul jerde qandaı másele bar, nendeı sharýalar júze­ge asyrylýda degen sekildi saýal­darǵa jaýap izdep, tar sheń­berde ǵana qalyp qoımaı, taqyrypty tereńirek zerttep, tarazylaǵymyz keledi. Sebebi, memlekettik qurylymdardaǵy ashyqtyqty qamtamasyz etý arqyly biz kásibı memlekettik apparat quratyn bolamyz. Mine, qoǵamǵa osy máselelerdi shynaıy, ashyq uǵyndyrýymyz qajet», dedi M.Áshimbaev.

Sodan keıin Memlekettik qyz­met isteri jáne jemqorlyqqa qarsy is-qımyl agenttigi tór­aǵasynyń orynbasary Aıgúl Shaıymova «100 naqty qadam» Ult josparynda aıqyndalǵan kásibı memlekettik apparatty qa­lyptastyrý jónindegi tapsyrmany iske asyrý barysy týraly egjeı-tegjeıli baıandady. Onyń keltirgen derekterine súıensek, búginde jańa qabyldanǵan «Mem­lekettik qyzmet týraly» Zańnyń arqasynda 15 tarmaqtyń 11-i sátti iske asyrylǵan.

Negizgi baıandamadan soń pikir almasý kezinde parlamentshiler memlekettik qyzmetke kirý men odan ótý, memlekettik appa­rat­tyń kásibıligi men Ádep kodek­si normalarynyń oryndalý deń­geıin arttyrý boıynsha naqty usy­nystaryn aıtty. Sonymen qatar, halyq qalaýlylary mem­le­kettik qyzmetshilerdiń eńbe­gine aqy tóleý boıynsha tásil­der­­di ózgertýge, «A» korpýsyna ki­­retin laýazymdar tizbesin ońtaı­­­lan­­dyrýǵa, Prezıdent janyn­­­daǵy Memlekettik qyzmet akade­­mııa­syn odan ári damytýǵa qatys­­ty birqatar máselelerdi qyzý tal­q­ylady.

О́z kezekterinde sóz alǵan Má­jilis depýtaty Q.Sultanov, L.N.Gýmılev atyndaǵy Eýrazııa ult­tyq ýnıversıtetiniń professory, Memlekettik qyzmet isteri jáne sybaılas jemqorlyqqa qar­sy is-qımyl agenttiginiń janyn­daǵy Qoǵamdyq keńes múshe­si E.Ońǵarbaev, Bas proký­ra­týranyń Kadr jumysy depar­tamenti bastyǵynyń orynbasary G.Shúshikova memlekettik qyzmet pen quqyq qorǵaý organdaryna jumysqa turý jáne olardan ótý kezindegi birqatar túıtkildi máselelerge toqtalyp, olardy sheshý joldaryna nazar aýdardy.

Nurlybek DOSYBAI, «Egemen Qazaqstan»