Jetisý oblysynda Balqash kóli jaǵalaýyndaǵy jer telimderi ınvestorlarǵa ashyq aýksıon arqyly usynylatyn bolady. Bul bastama kól jaǵalaýyn damytýǵa baǵyttalǵan mańyzdy qadamdardyń biri retinde qarastyrylyp otyr, dep habarlaıdy Egemen.kz Jetisý oblysy ákiminiń baspasóz qyzmetine silteme jasap.
Buǵan deıin Balqash kóliniń jaǵalaýyna qatysty bas jospar men egjeı-tegjeıli josparlaý jobasy ázirlenip, sonyń negizinde aımaqty qajetti ınjenerlik ınfraqurylymmen qamtamasyz etý jumystary qolǵa alynǵan. Nátıjesinde Taldyqorǵan qalasynan Balqash kóline deıingi avtojol tolyqtaı asfalttalyp, sý, elektr jáne káriz júıeleri sııaqty negizgi kommýnıkasııalar tartyldy. Endigi kezekte jergilikti bılik zamanaýı demalys oryndaryn salý úshin ınvestorlardy tartýǵa basymdyq berip otyr.
Balqashta alǵash ret qysqy balyq aýlaý festıvali ótti
Sarqan aýdanynyń ákimi Ǵalymjan Mamanbaevtyń aıtýynsha, 12, 24 jáne 36 sotyq kólemindegi jer ýchaskeleri barlyq ınvestorlarǵa ashyq aýksıon arqyly usynylady. Bul format jobalardy jyldam iske asyrýǵa múmkindik berip, shaǵyn qonaq úılerden bastap iri týrıstik keshenderge deıin ártúrli aýqymdaǵy ınvestısııalyq bastamalardy júzege asyrýǵa jol ashady. Al 2 gektarǵa deıingi iri jer telimderi О́ńirlik úılestirý keńesiniń sheshimimen beriledi.
Qosymsha aqparat alý úshin Sarqan aýdandyq ákimdigine júginýge nemese kórsetilgen baılanys ortalyǵy arqyly habarlasýǵa bolady.
Astana – Balqash baǵytynda áýe reısi qaıta ashylady
Aıta keteıik, Balqash kólinde shomylý maýsymy 1 maýsymnan 1 qyrkúıekke deıin jalǵasady. Bul kezeńde óńir týrıster úshin qolaıly demalys ornyna aınalady. Kól jaǵalaýy jaǵajaı demalysy, sý sporty jáne balyq aýlaý sııaqty túrli rekreasııalyq múmkindikterge baı. Qazirgi tańda bir maýsymda shamamen 50 myń týrıst qabyldansa, aldaǵy ýaqytta bul kórsetkishti 500 myń adamǵa deıin arttyrý josparlanyp otyr.