Qazaqstannyń Shveısarııadaǵy Elshisi, BUU bólimshesi men Jenevadaǵy ózge de halyqaralyq uıymdardaǵy Qazaqstan Respýblıkasynyń turaqty ókili Janar Aıtjanova saýda jáne qorshaǵan orta boıynsha DSU komıtetine basshylyqqa taǵaıyndaldy.
«Bul taǵaıyndaý DSU-ǵa múshe memleketterdiń Qazaqstanǵa degen joǵary senimin kórsetedi», – delingen QR Syrtqy ister mınıstrliginiń habarlamasynda.
2017 jyly 11-14 jeltoqsanda Býenos-Aıreste (Argentına) ótetin XI DSU Mınıstrlik konferensııasyna daıyndyq aıasynda DSU organdarynyń jańa tóraǵalaryna Mınıstrlik konferensııada tabysty nátıjelerge qol jetkizý úshin uıym músheleri arasyndaǵy talqylaýlardy jandandyrýda úlken jaýapkershilik júkteledi.
Aıtjanovany saýda jáne qorshaǵan orta boıynsha DSU komıtetiniń tóraıymy ornyna aımaqtyq Azııalyq damýshy elder toby usyndy, bul topqa Qazaqstan 2016 jyldyń qarasha aıynda qosyldy.