Elbasy Nursultan Nazarbaev usynǵan ulttyq rýhanı tuǵyrnamany iske asyrýda depýtattardyń jaýapkershiligi joǵary. Rýhanı jańǵyrýdy zań aıasynda júzege asyrý úshin onda aıtylǵan usynystar zańnamalyq turǵyda qamtamasyz etilýge tıis ekeni belgili.
Otanymyz – ortaq, maqsatymyz – bir. Bárimiz Uly Dalanyń urpaqtarymyz. Degenmen, árkimge de týǵan topyraǵy, balalyq, jastyq shaǵy ótken jer ystyq. Bul oraıda, Elbasynyń «Bolashaqqa baǵdar: rýhanı jańǵyrý» maqalasyndaǵy «Týǵan jer» baǵdarlamasy atajurtyn súıetin ár azamattyń kóńilin jylylyqqa toltyrady.
Bizder, elimizdiń ár aımaǵynan saılanǵan senatorlar saılaýshylarmen kezdesýde aımaqtarǵa, saılaý ýchaskelerine barǵanymyzda, Elbasynyń rýhanı jańǵyrý týraly ıdeıalarynyń patrıottyq mánin halyq nazaryna jetkizetin bolamyz. Sondaı-aq, ony iske asyrý jaıy jan-jaqty talqylanady, eldiń usynys-tilekteriniń qaperge alynýy da nazarda bolady.
Birǵanym ÁITIMOVA,
Parlament Senatynyń depýtaty