Sonymen birge, onyń baǵasynyń negizsiz ósý kórinisteri oryn aldy. Búgingi kúni munyń basty sebebi, kóleńkeli bıznestiń bas kótergeni, ártúrli ákimshilik tosqaýyldar jáne ádeıi qoldan jasalǵan uzyn-sonar tizbek pen kezek ekeni belgili bolyp otyr. Ári osy jaǵdaıdy jumyrtqadan jún qyryqqan deldaldar óz paıdalaryna utymdy paıdalana bilgen.
Osy máseleni retteý úshin oblysta qurylǵan shtab suıyq otynnyń naqty quny qandaı ekenin aıqyndaýǵa den qoıǵan edi. Qazirgi onyń bólshek saýdadaǵy baǵasy 25 paıyzǵa deıin tómendegeni shtab quramynyń nátıjeli qyzmetiniń belgisindeı áser qaldyrady. Iаǵnı búginde otynnyń bir lıtriniń quny 55-ten 41 teńgege tómendedi. Buǵan qosa sońǵy kúnderi suıytylǵan gaz kólemi de birneshe ese ósip, 7200 tonnany qurady. Osynyń bári suıytylǵan gazǵa degen zárýlikti tómendetip, gaz quıý beketterinde onyń ońtaıly baǵamen berilýine jol ashty.
Atap aıtar bolsaq, Aqtóbe qalasynda zaýyt ónimin otyz gaz quıý beketi júzege asyrady. Kún saıyn tutastaı óńirdegi jáne oblys ortalyǵyndaǵy avtokólikke gaz quıý beketine 390 tonna janarmaı túsedi. Shtab basshysy oblys ákiminiń orynbasary Qaırat Bekenovtiń málimdeýinshe atalǵan kólem suıytylǵan gazǵa degen ishki qajettilikti óteýge tolyǵymen jetedi. Sondaı-aq, onyń aıtýynsha otynnyń bar joǵy men mólsherine jáne baǵasyna turaqty túrde júrgizilgen manıtorıngter de oń áserin tıgizgen.
Temir QUSAIYN,
«Egemen Qazaqstan»
Aqtóbe oblysy