Mektep sporty – salamatty ómirdiń baspaldaǵy

«Resmı statıstıkaǵa súıenetin bol­saq, mektep túlekteriniń 80 paı­yzǵa jýyǵynyń den­saý­lyq­ta­ryn­da túr­li aýytqýlar bolsa, biraz bó­­li­gi­niń ishim­dikke áýes ekeni, al ke­­lesi bi­reý­le­ri­niń esirtki men te­me­­kige táýeldi eke­ni anyq­­tal­ǵan. Bul – áleýmettik-eko­no­mı­ka­­lyq qı­yndyqtardyń ǵana emes, so­ny­men qatar, jastardyń bos ýa­qy­tyn uıymdastyra almaı, altyn ýaqyttaryn erigýmen ót­ki­zip, salamatty ómir saltyn us­tan­­baý­­ynyń saldary. Búginde de­rek­kóz­derdiń maǵlumaty boıynsha jastarymyzdyń 30 paıyzǵa jeter-jetpes bóligi ǵana dene shynyqtyrý já­­ne sportpen turaqty aınalyssa, da­myǵan memleketterde bul kór­set­ki­shi 70 paıyzdy quraıdy eken.

Osy oraıda, 2012 jyldyń ózin­de Elbasy «Qazaqstannyń ále­ý­mettik jań­ǵyrtylýy: Jalpyǵa Or­taq Eńbek Qoǵamyna qaraı 20 qa­dam» baǵ­dar­la­masynda: «Eger biz Qazaqstandaǵy ómir jasy Eý­ro­padaǵydaı bolǵanyn qalasaq, on­da ózimizdiń densaýlyǵymyz tý­ra­ly oılanýǵa tıispiz. Árbir eldi me­­kende, sonyń ishinde aýyldyq jerlerde, sondaı-aq, árbir mekemede belsendi demalysty, dene tárbıesi men buqaralyq sportty damytý úshin birte-birte jaǵdaı jasaý jón. Eldiń oqý oryndarynda dene tárbıesiniń oqýdan tys sabaqtary men seksııalaryn keńeıtý kerek», – dep atap ótken bolatyn.

Úkimettiń 2007 jylǵy 29 jel­toq­­sandaǵy qaýlysyna sáıkes, de­ne­shynyqtyrý muǵalimderi sa­baq­tan tys seksııalar júrgizgeni úshin aıy­na 7 myń teńgeden sál ǵana astam ús­te­me aqy alatyn edi. Onyń ózi de bilim berý mekemeleriniń tek jartysyn ǵana qamtıtyn. Bul kólge tamǵan kóz­diń jasyndaı az ǵana tıyn-teben qan­daı mamannyń qaı jyrtyǵyna ja­maý bolady. Eger oqýshylardyń qalypty jat­ty­ǵýy jumasyna úsh ret bolady dep eseptesek, bir sabaǵy úshin jat­tyqtyrýshy 583 teńge alady eken. Osy bolmashy qarajat kún­de, úsh saǵatqa jýyq sabaqtan tys ju­mys isteýge, kúsh qýaty boıynda, ot­basyn asyrap otyrǵan azamatty qy­zyqtyra ma degen suraq týa-

dy. Esterińizge sala keteıin, búginde bir balanyń bir saǵattyq repetısııasy 2000 teńge kóleminde bolsa, kásibı bir jattyǵý quny 5000 teńgeden bas­talady.

Anyǵynda, bizge óz senimsizdigin je­ńe alatyn, ashy terdi tóge biletin, synaqtardan synbaı ótetin jastar ke­rek. Al oǵan jol ashatyn jer, Elbasy atap ótkendeı, mektep sporty. Osyǵan baılanysty, joǵaryda aı­tylǵandaı, arada baqandaı 5 jyl ýaqyt ótse de, óskeleń urpaq den­saý­lyǵynyń qoǵamdy alańdatar tus­taryn eskere otyryp, Úkimettiń «2012 jyldyń sońyna deıin oqý­shy­lar úshin oqýdan tys sport seksııa­laryn bıýdjettik emes qarjy kóz­derinen qarjylandyrýdyń te­tik­te­rin engizýdi qamtamasyz etsin» de­gen Elbasynyń tapsyrmasyna qaıtyp oralýyn suraımyz».