2016 jyly JOO men TKO (tehnıkalyq jáne kásiptik oqytý) mekemeleriniń túlekter sany 100,2 adamdy qurasa, sonyń ishinde 87,7%-y birden jumysqa turyp ketken.
JOO bitirgenderdiń 83%-y, ıaǵnı 29,5 myńy bir jylda jumys tapty, al aldyńǵy jyly bul kórsetkish 78,2% bolǵan-dy.
Tehnıkalyq jáne kásiptik oqytý mekemeleri túlekteriniń jumysqa ornalasý deńgeıi 2015 jylǵy 82% kórsetkishten 2016 jyly 90%-ǵa deıin kúrt kóterildi. Bilim men ǵylymdy damytý memlekettik baǵdarlamasynyń jospary boıynsha, 2017 jyldyń sońyna deıin atalǵan kórsetkish JOO úshin 85%, TKO mekemeleri úshin 92%-ǵa artýy tıis.
Qazaqstanda qazirgi tańda jumys berýshilerdi maman daıyndaý jumystaryna etene aralastyrý maqsatynda dýaldy oqytý engizilýde. Búginde eldegi 2433 kásiporyn 421 kolledjben birlesip údemeli ındýstrııaldy ınnovasııalyq damý (ÚIID) memlekettik baǵdarlamasy aıasynda 27,3 myń stýdentti oqytýda. Aıta keteıik, 2014 jyl sharaǵa 280 kolledj qatyssa, 2015 jyly bul kórsetkish 348 bolǵan.
Joǵary bilim berý salasyndaǵy basty jańalyq – rektordy saılaý bastamasy. 2016 jyly JOO baqylaý keńesiniń qatysýshylary alǵash ret memlekettik 5 JOO rektorlaryn saılady. Qazirgi tańda 37 JOO-ǵa Nazarbaev ýnıversıtetiniń korporatıvti basqarý júıesi engizilýde. Al 2016 jyldyń 1 qańtarynan bastap memlekettik 31 kolledj «Kásipqor» holdınginiń tájirıbesin qabyldaýda. Sonymen qatar, taǵy 16 JOO kommersııalaý keńseleri, tehnoparkter, bıznes-ınkýbatorlar qurdy. ÚIID baǵdarlamasy sheńberinde JOO-larǵa 24 jańa bilim berý baǵdarlamalary, TKO mekemelerine 45 jańa baǵdarlama engizildi.
2016 jyly ÚIID baǵdarlamalarynyń bazalyq 11 JOO-da ınnovasııalyq jáne ǵylymı qyzmet tabysy 594,1 mln teńgege jetip, jalpy kiristiń 9 paıyzyn qurady. Tabys kólemi boıynsha birinshi orynda S.Seıfýllın atyndaǵy Qazaq agrotehnıkalyq ýnıversıteti (421,5 mln teńge).
Joǵary bilim júıesinde 2016 jyly QS WUR reıtıngine qazaqstandyq 8 JOO kirdi. Sonyń ishinde «Úzdik 300»-de 236 oryndaǵy ál-Farabı atyndaǵy Qazaq Ulttyq ýnıversıteti men «Úzdik 400»-de 345 oryndaǵy Gýmılev atyndaǵy Eýrazııa Ulttyq ýnıversıteti bar.