Búgin Mońǵolııa astanasy Ulan-Batyrda bokstan Azııa chempıonatynyń jartylaı fınaldyq básekeleri bastaldy, dep jazady Egemen.kz.
6 sáýir Ulan-Batyr sharshy alańyna 7 boksshymyz kóteriledi. Onyń ishinde el namysyn 3 bylǵary qolǵap sheberi qorǵap úlgerdi.
70 kelide Baqyt Seıdish 1/2 fınalda Qytaı sportshysy Alımır Abýdýreımýmen kúndizgi sessııany ashyp, qarsylasyn 5:0 esebimen jeńdi.
75 kelidegi Valentına Halzova 1/2 fınalda Qytaıdyń taǵy bir boksshysy Zı Baomen judyryqtasty. Tájirıbeli otandasymyz bul joly 3:1 esebimen Qytaı qyzyna jol berdi.
Azııa chempıonaty: Sabyrjan Aqqalyqov shırek fınalda jeńiske jetti
Sondaı-aq 55 kelide 2 dúrkin álem chempıony Mahmud Sabyrhan 1/2 fınalda jarys qojaıyny Bılgýýnsaıhan Harhýýmen qolǵap túıistirdi.
3 raýnd boıy otandasymyz qarsylasyna qysym jasaýǵa tyrysqanymen, tóreshiler 5:0 esebimen jeńisti Mońǵolııa boksshysyna berdi.
Mahmud Sabyrhan men Natalıa Bogdanova jyldyń úzdik boksshysy atandy
Osylaısha, Baqyt Seıdish Azııa chempıonatynyń altyny úshin fınalda baq synaıdy. Al Valentına Halzova men Mahmud Sabyrhan qola júldege qol jetkizdi.