The Athletic basylymy 2026 jylǵy «Altyn dop» júldesine úmitkerlerdiń jańartylǵan reıtıngin jarııalady. Bul tizimde birqatar kútpegen ózgerister oryn aldy – Lıonel Messı úzdik ondyqqa ilikpedi, al Lamın Iаmal úshtikke endi, dep jazady Egemen.kz.
Reıtıngte kósh basyn Mıýnhenniń «Bavarııa»shabýylshysy ári Anglııa quramasynyń kapıtany Harrı Keın ıelendi. Odan keıingi úzdik úshtikten madrıdtik «Real» juldyzy Kılıan Mbappe men «Barselonanyń» jas oıynshysy Lamın Iаmal kórindi.
Eń qymbat fýtbolshy: «Bolonıa» klýby Omar Muradovty rekordtyq somaǵa satyp aldy
Úzdik ondyq:
Harrı Keın («Bavarııa») Kılıan Mbappe («Real») Lamın Iаmal («Barselona») Deklan Raıs («Arsenal») Vıtınıa («PSJ») Maıkl Olıse («Bavarııa») Pedrı («Barselona») Ýsman Dembele («PSJ») Erlıng Holand («Manchester Sıtı») Vınısıýs Jýnıor («Real»)Eń nazar aýdararlyq jaıt – 8 dúrkin «Altyn dop» ıegeri Lıonel Messı («Inter Maıamı») bul joly úzdik ondyqtan tys qaldy. Buǵan deıin argentınalyq juldyz túrli reıtıngterde turaqty túrde joǵary oryndy ıelenip kelgen edi.
Al qazirgi tańda «Altyn doptyń» ıegeri Ýsman Dembele («Parı Sen-Jermen») 8-orynda tur.
Dastan Sátpaev álemniń úzdik 50 jas fýtbolshysynyń qataryna endi
«Altyn dop» – 2026 jeńimpazy 2026 jyldyń tamyz-qyrkúıek aılarynda anyqtalady. Al marapattaý rásimi dástúr boıynsha Fransııa astanasy Parıjdegi Shatle teatrynda kúz mezgilinde ótedi.
Jańartylǵan reıtıng fýtbol áleminde básekeniń kúsheıip kele jatqanyn kórsetedi. Jas talanttar alǵa shyǵyp, tájirıbeli oıynshylarmen qatar úzdikter qataryna enip jatyr. Al aldaǵy aılarda bul tizim taǵy da ózgerýi ábden múmkin.
Fýtboldan álem chempıonaty fınalynyń bıletteri taǵy qymbattady