Grek-rım kúresinen Qazaqstan jastar quramasy «Ázerbaıjan kúres federasııasynyń kýbogy» halyqaralyq týrnırinde sátti óner kórsetip, jalpy esepte ekinshi orynǵa ıe boldy, dep habarlaıdy QazAqparat.
60 keli salmaqta Ernar Fıdahmetov fınalǵa deıin jetip, ekinshi oryn aldy. Bul salmaqtaǵy qos qola medaldy Ernur Fıdahmetov pen Asylbek Qosamanov jeńip aldy.
66 keli salmaqta Qaharman Qısmetov fınalda jergilikti balýanǵa ese jiberdi. 74 kelide Ilımor Satoev ta fınalda jeńilip, kúmis júldeger atandy. Odan bólek Alpamys Dastanbek (50 kg), Oljas Syrlybaı (96 kg) jáne Anton Savenko (120 kg) qola júldege qol jetkizdi.
Osylaısha otandastarymyz jalpy esepte ekinshi orynnan kórindi. Bıylǵy dodaǵa Tájikstan, Ýkraına, О́zbekstan, Latvııa, Reseı, Túrkııa, Iran, Grýzııa, Qazaqstan, Belarýs jáne Ázerbaıjan balýandary qatysty.