Stýdentter jumys izdep sabylmaıdy

Jármeńkege kelgen jas­tar­dyń sany 800-den asady. Bı­yl dıplomyn qolǵa alatyn olar­dy «birden jumysqa kim ala qoı­syn?» degen de suraq qylań berýi múmkin. Biraq jármeńkege kelgen jumys berýshi tarapty kór­­gende kóńildegi kúdik seıile tús­­ti. Onda 107 jumys berýshi ta­­raptyń ókili kelipti. Onyń ishin­­­de bilim berý uıymdarynyń, ón­­­diris oryndarynyń, qurylys kom­­­panııalarynyń, telekommý­n­ı­­kasııa ortalyqtarynyń, mem­le­ket­tik organdardyń basshylary men ókilderi bar. Myń túrli ma­man­­dyqqa san túrli jumys usy­ný­­shylar bar eken.

Kóńil qýantqany, bul sharany jármeńke ótti, bitti degen je­leýdiń qat­aryna qosý qısynsyz. О́ıtkeni, jármeńke barysynda Qorqyt ata aty­ndaǵy Qyzylorda memlekettik ýnıversıtetiniń rektory, tehnıka ǵylymdarynyń doktory, professor Qylyshbaı Bısenov 12 túlekke jumysqa or­nalasýǵa joldama tabystady. Eki-úsh aıdyń kóleminde oqý bi­ti­redi, al jumysy bolsa daıyn. Osynd­aı jaǵymdy áser syılaıtyn jaǵdaılardyń qoǵamdaǵy qas­ań qaǵıdalardy buzýǵa yqpal ja­saıtyny jaqsy.

Sol jerde jumysqa ornalasýǵa joldama alǵandardyń biri – ýnı­ver­sıtettiń 4-kýrs stýdenti Dan­a Jorabaı. Qyzylorda qalasyndaǵy Ǵ.Muratbaev atyndaǵy №171 or­ta mektebine aǵylshyn tili páni mu­ǵa­limi boıynsha joldama alǵan ol oqýda da ozat eken. Bastysy, tó­rt jyl boıy oqyǵan eńbeginiń zaıa etpeı, jumysqa ornalasýǵa oń yqpalyn tıgizgenin kóńilge me­det tutady. Dana óndiristik tá­ji­­­rı­beden ótetin kezde atalǵan mek­­tepke barǵan. Aǵylshyn tili pá­­ninen sabaqty jaqsy berip, bas­­­­shynyń kózine túsken. Uıym­das­­tyrýshylyq qabileti bar, oqý úl­­gerimi jaqsy mamannan kim aı­yry­lsyn?! Jaqsy kadr qaı jerde de baǵaly. Ýnıversıtet osyndaı stý­dentterdiń praktıkadan ótý k­ez­eńin eskere otyryp, 40-tan asa me­keme men uıymdar arasynda áleý­mettik áriptestik ornatqan.

Mektep degennen shyǵady, qa­zir­gi kezde elimizde pedagogıka sa­lasynda orys tildi mamandarǵa su­­ranys joǵary. Bul másele Syr óńi­­rinen de shet qalmaǵan. Má­se­len, jár­meńkege kelgen qala­da­ǵy №9 mek­tep-lıseıiniń ókili bas­taý­ysh sy­nyptyń orys tildi úsh bir­­deı ma­many kerektigin aıtty. So­ǵan qa­raǵanda, orys tili men áde­bı­etin bi­tiretin tú­lek­ter ju­mys iz­dep, kóp sabyla qoı­maı­dy-aý.

О́tken oqý jylynda 633 tú­lek osy oqý ordasynan qanat qa­q­­qan. Búginde 85 paıyzy ju­mys­­­qa ornalasypty. Bul – úl­ken ná­­tıje, naqty kórsetkish. Son­daı-aq, ýnıver­sıtet tú­lekter oqý bi­tirgennen keıin úsh jyl qa­ta­ry­nan turaqty túrde monıtorı­ng júrgizip otyrady. Onda jas ma­man­dardyń jumysqa ornalasýyna, qyzmette alǵa qaraı jyljýyna erekshe mán beriledi.

Jármeńke sońynda ýnıver­sı­­tet rektory Q.Bısenov jumys be­­rýshi 9 mekemeniń ókili: Qy­zyl­orda oblysynyń ádilet de­par­tamentimen, «Atameken» ká­sip­­kerler palatasynyń Qyzyl­or­­da oblystyq fılıalymen, Aý­yl sharýashylyǵy mı­nıs­tr­ligi Sý re­sýrstary komı­t­e­ti­niń sha­rýa­shy­lyq júrgizý qu­qy­ǵyn­da­ǵy «Kaz­sýshar» res­pýb­lı­ka­lyq mem­le­ket­tik kásip­or­n­ymen, Tu­tyn­­ý­­shylardyń quqyq­taryn qor­ǵaý ko­mıtetiniń «Ulttyq sarap­tama or­t­alyǵy» sharýashylyq jú­rgizý qu­qyndaǵy respýblıkalyq mem­lekettik kásiporynmen, Qyzyl­orda oblystyq fılarmonııa­sy­­men, №3 mektep-lıseıimen, «Aq-Ilıas» balabaqshasymen, «EcoGuard» JShS jáne Qazaly aýdanyndaǵy «Syr Marjany» JShS men ózara yntymaqtastyq týraly memorandýmǵa qol qoıdy. Bul qujattyń ýnıversıtet túlek­teriniń jumysqa ornalasýy kezinde kádege jaraıtyny anyq.

Kásibı bilim berýmen qatar, jas mamannyń jarqyn bola­sha­­ǵyn oılap, jumys tabýyna jár­demdesý saýapty istiń qata­ry­­­nan bolsa kerek. Olaı bolsa, mamandar­dy daı­yn­dap qana qoı­maı, olardyń ju­mysqa ornalasý­yna da septigin t­ıgizip otyrǵan ýnı­versıtet ujy­my­na alǵystan bas­qa aıtarymyz joq.

Erjan BAITILES,

«Egemen Qazaqstan»