Astanada 7 mamyr kúni áskerı paradqa qatysatyn paradtyq eseptoptar men áskerı tehnıkanyń jattyǵýy ótkizilip jatyr, dep habarlaıdy QR Qorǵanys mınıstrliginiń baspasóz qyzmeti.
Áskerı parad Qazaqstan Qarýly Kúshteriniń 25 jyldyǵyna arnalǵan. Áskerıler kún saıyn daıyndyqtaryn pysyqtap jatyr.
Paradqa qatysýshylardyń jattyǵýlary kún saıyn ótkiziledi. Elimizdiń ártúrli óńirinen kelgen áskerı qyzmetshiler palatkaly qalashyqta turyp jatyr. Áskerı tehnıka urys mashınalarynyń arnaıy dalalyq parkinde ornalastyrylǵan. Dalalyq lagerde jeke quramǵa arnalǵan barlyq qajetti jaǵdaı jasalǵan.
Atap aıtqanda, turýǵa arnalǵan palatkalar, medısınalyq pýnktter, tamaqtaný pýnktteri jáne dalalyq monsha. Dalalyq qalashyqtyń aýmaǵynda bos ýaqytty uıymdastyrý úshin jyljymaly aqparattyq keshen óristetildi.