Qazaqstandyq ınvestorlardyń otandyq ekonomıkaǵa degen senimi artyp keledi. 2016 jyly qazaqstandyqtardyń ózge el ekonomıkasyna qarjy salý kórsetkishi 37% azaıyp, 2,5 mlrd dollarǵa qysqardy.
Esterińizge sala keteıik, 2015 jyly ınflıasııanyń kúsheıip, teńge baǵamynyń álsiregen kezinde eldiń satyp alý qabileti tómendep, iskerlik belsendilik quldyraǵan edi. Nátıjesinde Qazaqstannan «jappaı kapıtal kóshi» bastalyp, 2014 jylmen salystyrǵanda 2 esege artyp, 3,4 mlrd dollardan 6,9 mlrd dollarǵa jetken bolatyn.
2016 jyly jaǵdaı qaıta túzele bastady. Bul kishigirim ınvestorlardyń jumysyna da áser etip, bir kezderi elden ketken kapıtal endi qaıta oralyp, bir jylda el ekonomıkasyna salynǵan ınvestısııa kólemi 40% ulǵaıdy.
Qazaqstandyq ınvestorlardyń shetel ekonomıkasyna qarjy salýy báseńdep, otandyq baılar endi ishki jobalarǵa qyzyǵýshylyq tanyta bastady.
О́tken jyly Qazaqstandaǵy sheteldik kompanııalardaǵy qazaqstandyq ınvestorlardyń qatysýy 36% ulǵaıyp, 4,1 mlrd dollarǵa jetti.
Qazaqstandyq ınvestorlardyń Nıderlandydan keletin tikeleı ınvestısııaǵa qatysýyn azaıtsa, kerisinshe Reseı men BAÁ (Birikken Arab Ámirlikteri) elderindegi jobalarǵa qarjy salýdy kóbeıtken.
Naqtyraq aıtar bolsaq, 2016 jyly qazaqstandyq ınvestorlardyń Reseı jobalaryna salǵan ınvestısııasy 667 mln dollarǵa jetti. Bul 2015 jylmen salystyrǵanda 2 esege artyq. Al BAÁ eline salynǵan ınvestısııa kólemi 2015 jylmen salystyrǵanda 6 esege artyp, 313 mln dollarǵa teńesti.
Salalar boıynsha toqtalar bolsaq, qazaqstandyq ınvestorlardyń sheteldik qurylys salalaryna degen qyzyǵýshylyǵy joǵary.