Tıimdi bastamalarǵa jol ashyq

Mınıstr óz sózinde jań­ǵyrýdyń jańa kezeńindegi mem­leket pen dinniń ózara áreket etýiniń qazaqstandyq úlgisin ja­saq­taý vedomstvonyń alda turǵan negizgi basymdyqtary­nyń biri ekendigin aıtty. Sony­men qatar, bul úlgi ulttyq dástúr­ler­ge, zamanaýı talaptarǵa jáne meıi­­rimdilik, adamgershilik, beı­bit­shilik qaǵıdalaryna negizdelý qajettigin tilge tıek etti.

«Osy maqsattardy júzege asyrý úshin mınıstrlik zańna­ma­lyq arnaıy bastamalar ázirlegen bolatyn. Olardyń arasynda eli­mizdegi din salasynyń 2017-2020 jyldarǵa arnalǵan mem­lekettik Tujyrymdamasy da bar. Bul qujat arqyly dinı kertartpalyq pen ekstremızmge degen qoǵamnyń ımmýnıtetin nyǵaıtýǵa baǵyttalǵan naqty sharalar usynylady. Sonymen qatar, taǵy bir mańyzdy bas­tama retinde «Qazaqstan Respýb­lıkasynyń keıbir zańnama­lyq aktilerine dinı qyzmet jáne dinı birlestikter máseleleri bo­­ıynsha ózgerister men tolyq­tyrý­lar engizý týraly» zań jo­basyn ázirleý ústindemiz. Onyń negizgi erejelerinde dinı áde­bıet pen dinı saraptamany ót­kizý tájirıbesin jetildirýi qaras­tyrylýda», – dedi N.Ermekbaev.

Búginde mınıstrlik maman­darynyń bastamasymen dinı ekstremızmniń aldyn alý bo­ıynsha jumystar jalǵasý ústinde. Atap aıtqanda, din­di des­trýktıvti maqsatta qol­daný­dy boldyrmas úshin zańsyz dinı materıaldardy taratýdy ba­qy­laý men radıkal­­dy kózqa­rasty ustanatyn top ókil­derimen jumys júrgizilip, aza­mat­tardyń dinı saýattylyǵy arttyrylýda.

«Biz zaıyrly memlekette ómir súremiz. Sondyqtan da, mem­leket talaptaryn saqtaý – negizgi maqsatymyz. Zaıyrly mem­leket – kópkonfessııaly or­tada turaqtylyqty saqtaýdyń jalǵyz joly bolyp tabylady. Qazirgi tańda memleket boıynsha 306 arnaıy teologııalyq jáne aqparattyq toptar jumys isteý­de. Olardyń quramynda – 3,5 myń­nan astam dintanýshylar men dinı uıymdardyń ókilderi bar. Jalpy, júzege asyrylyp otyr­ǵan sharalar dinı sala­daǵy jaǵ­daıdy jaqsartýǵa sep­ti­gin tıgizedi», – dedi mınıstr N.Ermekbaev.

Alqa keńesinde mınıstrliktiń úki­mettik emes uıymdarmen bir­lese otyryp, azamattyq qoǵam sala­synda zańnamany jetildirý boıyn­sha jumystardy atqaryp kele jatqany da nazardan tys qalmady. Sol maqsatta «Kom­mersııalyq emes uıymdar qyz­meti­niń máseleleri boıynsha zań­­namalyq aktilerge ózgerister engizý týraly» zańdy jetildirip, so­nyń aıasynda úkimettik emes uıymdarǵa grant berý ereje­sin qaıta qaraý kózdelip jatqa­ny málim boldy. Ondaǵy maq­sat – tártiptiń ashyqtyǵyn qam­tamasyz etý.

Is-shara barysynda Parla­ment Senatynyń depýtaty J.Er­ǵa­lıev, Qoǵamdyq Keńestiń tór­aǵasy T.Súleımenov, Dintaný­shylar kongresiniń múshesi, Mádenıetter men dinderdiń halyqaralyq ortalyǵynyń dırektory A.Ábýov, «Qaharman urpaq» QQ tóraǵasy K.Elýbaev, Res­pýblıkalyq biryńǵaı «Jas ulan» balalar jáne jasós­pirimder uıymynyń tóraǵasy D.Sádýáqasova syndy sala ma­man­dary sóz alyp, mınıstrdiń baıan­damasynda aıtylǵan máselelerdi qyzý talqylady.

Jıynda mınıstrlik maman­dary osy jyl ishinde jastar uıymdarymen dıalog qurý ar­qyly urpaqtyń patrıot­tyq tár­bıesi, áleýmettenýi men shy­ǵar­­mashylyq damýy bo­ıyn­sha jańa jalpyulttyq joba ázir­leıtindigi aıtyldy. Al vedomstvo basshysy bul kon­kýrs­­qa azamattardy belsendi qaty­sýǵa shaqyrdy.

Nurlybek DOSYBAI,

«Egemen Qazaqstan»