Prezıdent Joldaýyn iske asyrý jónindegi keńes

Keńes barysynda álemdik ınnovasııalyq kóshbasshy kom­panııalarmen birlesken ynty­maqtastyq ornatý máseleleri, sonymen qatar, Premer-Mınıstr B.Saǵyntaevtyń AQSh-qa jumys sapary kezinde qol jetkizilgen ýaǵdalastyqtar qaraldy. B.Saǵyn­taev keńes qorytyndysy boıynsha jaýapty memlekettik organdar­ǵa birqatar naqty tapsyrmalar berdi.

Jańa jolaýshylar termınalynyń qurylysymen tanysty

Halyqaralyq EKSPO-2017 kórmesi qarsańynda Premer-Mınıstr B.Saǵyntaev Astana áýejaıyn aralap, jańa jolaý­shylar termınaldarynyń qurylysy barysymen tanysty, sondaı-aq, áýejaıdyń qoldanystaǵy termınaldyń jumysy týraly baıandamany tyńdady, dep habarlady Premer-Mınıstrdiń baspasóz qyzmeti. 

Astana áýejaıynyń jolaýshy­lar termınalyn jóndeý «Nurly jol» baǵdarlamasyn oryndaý aıasynda 2015 jyldyń qańtarynan bastap júrgizilip jatyr. Jobada jalpy aýdany 47 000 sh.m. bolatyn termınal salý qarastyrylǵan, ony aıaqtaǵan soń áýejaıdyń ót­kizý qabileti jylyna 8,2 mln-nan astam jolaýshyny quraıdy.  

1 maýsymǵa qaraı jańa ter­mınal birinshi reıstiń jolaý­shylaryn qabyldaýǵa daıyn bolady dep kútilýde.

Premer-Mınıstr Baqytjan Saǵyntaev Prezıdent N.Nazarbaevtyń Astana qalasynyń áleýmettik-ekonomıkalyq damýy máseleleri jáne halyqaralyq EKSPO-2017 mamandandyrylǵan kórmesine daıyndyq barysy boıynsha tapsyrmalardy iske asyrý jóninde keńes ótkizdi, dep habarlady Premer-Mınıstrdiń baspasóz qyzmeti.

Keńes barysynda, Memleket basshysy EKSPO-2017 aýmaǵyn aralaý kezinde óz sózin­de aıtyp ótkendeı, Astana qala­syn eli­miz­de­gi sıfrly  tehno­logııalardy engizý­ge arnalǵan negizgi alań re­tin­de damytý máseleleri talqylandy.  Osyǵan baılanysty Premer-Mınıstr B.Saǵyntaev elor­da ákimdigine ǵana emes, barlyq memlekettik organ­darǵa elordanyń kólik ınfra­qurylymyn, turǵyn úı sektoryn, qala basqarmasynyń barlyq sala­larynda zamanaýı sıfrly tehnologııalardy engizýdi aýqym­dy damytý boıynsha birqatar tapsyrmalar berdi.