Atalǵan maqalada Elbasy rýhanı jańǵyrý tusynda el keleshegi men ulttyq sanany qalyptastyrý jolynda ulan-ǵaıyr jumystar men mańyzdy baǵdarlamalardyń qabyldanǵanyn atap ótken bolatyn. Osylaısha, Elbasymyz elimizdiń myqty ári jaýapkershiligi mol – Birtutas Ult bolý maqsatynda ótkergen aýqymdy da maqsatty jumystardy atap, kúlli qazaqstandyqtarmen bolashaqqa baǵyttalǵan kózqarastarymen bólisti.
Atalǵan maqalasyn Memleket basshysy qazirgi zamannyń ulttyq sanasynan bastap, mynadaı súbeli sózderdi ortaǵa saldy: «Kún sanap ózgerip júrgen dúbirli dúnıede sana-sezimimiz ben dúnıetanymymyzǵa ábden sińip qalǵan taptaýryn qaǵıdalardan arylmasaq, kósh basyndaǵy eldermen terezemizdi teńep, ıyq túıistirý múmkin emes. О́zgerý úshin ózimizdi myqtap qolǵa alyp, zaman aǵymyna ıkemdelý arqyly jańa dáýirdiń jaǵymdy jaqtaryn boıǵa sińirýimiz kerek».
Demek, jańasha jańǵyrǵan qoǵamnyń tarıhı túp tamyrynan bastaý alatyn ózindik rýhanı Ulttyq kodyń bolýy tıis. Bul degenimiz, rýhanı jańǵyrý aıasynda Ulttyq kodty saqtap, aldaǵy kúnge senimmen qaraý men izgi qasıetterdi boıyna sińirý arqyly zaman synynan sátti ótken ozyq dástúrlerdi osy jańǵyrýdyń basty alǵysharttaryna aınaldyrý bolyp tabylady.
Osyǵan oraı, Elbasy jalpy qoǵam men árbir azamattyń sanasyn jetildirý maqsatynda birqatar baǵyttardy ataǵan bolatyn, olar: básekelik qabilet, pragmatızm, ulttyq biregeılikti saqtaý, bilimniń saltanat qurýy, elimizdiń evolıýsııalyq damýy men sananyń ashyqtyǵy.
Sóıtip, rýhanı jańǵyrý – elimizdiń ulttyq jáne rýhanı tamyrynan nár alyp, ulttyq sananyń túrli polıýsterin úılestire alatyn mańyzdy rólge ıe. Bul jóninde Elbasymyz «Bul – tarlan tarıhtyń jasampaz búgingi kún men jarqyn bolashaqtyń kókjıekterin úılesimdi sabaqtastyratyn ult jadynyń tuǵyrnamasy», – degen bolatyn.
Osy el yrysy men ıgiligine baǵyttalǵan maqsat-mindetterdi júzege asyrý jolynda Prezıdent N.Nazarbaev alty naqty jobany usynyp, olardyń úsh negizgi máselege baǵyttalatynyna zer saldy:
– aqylymen, qolymen, darynymen zamanaýı elimizdiń irgetasyn qalaýǵa eleýli úlesin qosqan adamdardy qoǵamǵa tanytý;
– olarǵa aqparattyq turǵydan qolushymyzdy berip, el ishinde belgili bolýdyń jańa mýltımedıalyq alańyn qalyptastyrý;
– «100 jańa esim» jobasynyń óńirlik nusqasyn jasaý.
Iаǵnı, atalǵan baǵyt-baǵdarlar azamattarymyzdyń jáne birtutas ultymyzdyń eleýli maqsattarǵa jetip, ósip-órkendeýimizdiń birden-bir temirqazyǵy bolary sózsiz. Sebebi, bul rýhanı jańǵyrý baǵdarlary elimizdiń ózine ǵana tán damý úlgisin qalyptastyryp, salt-dástúrlerimizden, tilimizden, joralǵylarymyzdan, áýenderimizden jáne ádebıetterimizden sýsyndaǵan ulttyq rýhymyzdy nyǵaıtatyny kúmánsiz.
Osyǵan baılanysty Elbasynyń, «Men qazaqstandyqtardyń eshqashan buljymaıtyn eki erejeni túsinip, baıybyna barǵanyn qalaımyn. Birinshisi – Ulttyq kod, ulttyq mádenıet saqtalmasa, eshqandaı jańǵyrý bolmaıdy. Ekinshisi – alǵa basý úshin ulttyń damýyna kedergi bolatyn ótkenniń kertartpa tustarynan bas tartý kerek», degen tereń maǵynaly oıyn barlyǵymyz basshylyqqa alyp, negizgi ustanymymyzǵa aınaldyrýymyz kerek.
Qazirgi tańda árbir jeke adam bolsyn nemese memleket bolsyn zaman talabyna saı beıimdelip, ýaqyt yrǵaǵymen alǵa damýy kerek. О́ıtkeni, jańǵyrý jalǵaspaly prosess bolsa, ómir sarqyrama sekildi bir orynda turmaıdy. Sondyqtan, da rýhanı jańǵyrý jarqyn bolashaqtyń kepili deı otyryp, sózimdi Elbasynyń «Jańa jaǵdaıda jańǵyrýǵa degen ishki umtylys – bizdiń damýymyzdyń eń basty qaǵıdasy» degen danagóı sózimen támamdaǵym keledi.
Kamal BURHANOV,
qoǵam qaıratkeri, saıası ǵylymdar doktory, professor