Búgingi kúnde biz erekshe jyldamdyqpen aınalamyzda ózgerip jatqan ýaqyt, kózqaras, tehnologııalardyń kýási bolyp júrmiz. Elbasymyz aıtqandaı, «Bizdiń maqsatymyz aıqyn, baǵytymyz belgili, ol – álemdegi eń damyǵan 30 eldiń qataryna qosylý».
Bárimizge belgili, biz búginde sol damyǵan memleketterdiń ozyq tehnologııalaryn molynan barlyq salada qoldanamyz, ıaǵnı solar shyǵarǵan kólikti minemiz, sapaly taýardy tutynamyz. О́zim jumys jasaıtyn medısına salasynda da solar shyǵarǵan qural-jabdyqtar men dári-dármekterdi qoldanyp, eldi emdeımiz, urpaq órbitýge kómektesemiz.
О́kinishtisi, bizdiń elde ondaı dúnıejúzilik joǵary deńgeıge sáıkes qural jabdyqtar, dáriler shyǵarylmaıdy. Elimizde egemendik alǵan 25 jylda záýlim zamanaýı ǵımarattar salyp, medısına salasyn qarqyndy damytyp kele jatqanmen, bizde maman tapshylyǵy, tehnologııa, jabdyq tapshylyǵy áli de birtalaı baıqalyp keledi. Iаǵnı, biz osyndaı jetistikterge jettik, kimnen kemmiz dep maqtanyp otyra bermeı, osy damyǵan elderdiń deńgeıinde básekelestikke saı ınjenerlik sheshimderge jetýimiz qajet ekenin kórip otyrmyz.
Bizdiń bir ızraıldik áriptesimiz, medısına salasynyń úlken ǵalymy «Álemde ǵylym kúrt ózgerýde, sonymen birge, biz de ózgerýimiz, zamanǵa saı tez qalyptasyp turýymyz qajet», degen edi.
Elbasy aıtqandaı, tehnologııamen qatar, biz ózimizdiń ulttyq genetıkalyq kodymyzǵa, tilimizge, mádenıetimizge, salt-dástúrimizge myqty bolýymyz qajet, alǵa basýǵa, ultymyzdyń damýyna kedergi bolatyn ótkenniń kertartpa tustarynan bas tartý kerek. Jobada rýhanı jańǵyrý, sanamyzdyń zamanaýı ózgeristerge saı ashyq bolý máseleleri aıryqsha atalǵan.
Jasyratyny joq, buqaralyq aqparat quraldarynda kóptegen, bosqa ýaqytty alatyn, ártúrli jaǵymsyz, túkke turmaıtyn aqparattar, ótkenniń qazirgi zamanǵa saı kelmeıtin dúnıelerin nasıhattaıtyn jaǵdaılar aǵylyp tógiledi. Sony jazyp otyrǵan adamdardyń sanasyna, jazǵan dúnıelerine jaýapkershilikpen qaramaıtynyna shynymen-aq qarnyń ashady. Osyndaı aqparattardyń ushan-teńizinde aq-qarasyn aıyra almaı batyp ketip jatqan qanshama jan bar.
Dúnıejúzilik deńgeıde básekelestikke saı bolý úshin bilimniń saltanat qurýy asa qajetti ekenin Elbasy erekshe atap ótken. Álemdik bilimge tolyqqandy qol jetkizý úshin ana tilińmen qatar, aǵylshyn tilin jetik bilý aýadaı kerek ekeni aıtylǵan. Qazirgi zamanda elimizde qos-qos dıplomy bar, biraq bilimi joq jastar da jetkilikti. Aıtatyny, osyndaı dıp-
lomdarmen bizge jumys joq degeni. Negizine kelgende, olardy jumysqa alarda bilimin teksergende básekelestikke, joǵary deńgeıge saı kelmeıtinine jumys berýshiler kóz jetkizedi.
Bolashaqqa baǵdarlaıtyn Elbasynyń bul kólemdi jobasyn árbir adam, ásirese, jastar, birneshe ret oqyp, júregimen, sanasymen qabyldasa ǵana bizdiń elimizde jarqyn bolashaqqa jeteleıtin ıgi ózgerister bolar edi degen senimdemiz. Ár azamat, basqany synap-minemeı, óziniń rýhanı dúnıesin baıytyp, ǵylym, bilim qýyp, joǵary sapaly eńbektengen jaǵdaıda bizdiń elimizdiń bolashaǵy zor bolady degen oıdamyz.
Saltanat BAIQOShQAROVA,
Qazaqstan Respýblıkasy Prezıdentiniń janyndaǵy Áıelder isteri jáne
otbasylyq-demografııalyq saıasat jónindegi Ulttyq komıssııanyń múshesi,
bıologııa ǵylymdarynyń doktory,
«Ekomed» adam urpaǵyn órbitý klınıkasynyń ǵylymı dırektory