Onyń naqty bir mysalyna Qazaqstan halqy Assambleıasyn ataýǵa bolady. Búginde bul qurylym sheteldik qaýymdastyqtar tarapynan saıası jańashyldyq retinde moıyndalyp, biregeı ınstıtýtqa aınaldy. Bir shańyraq astynda turatyn etnostardy ortaq maqsatqa jumyldyryp, etnosaralyq, konfessııaaralyq kelisimniń qýatty quraly retinde el damýyna ólsheýsiz úles qosyp kele jatqany talassyz shyndyq.
Elbasy N.Nazarbaev elimiz táýelsizdiginiń alǵashqy jylyn merekeleý qarsańynda Qazaqstan halqynyń forýmyn ótkizý jóninde usynys jasaǵany esimizde. Osy alqaly jıynda Prezıdent jańa qoǵamdyq ınstıtýt qurý ıdeıasyn alǵa tartqanyn da umyta qoıǵan joqpyz. Bastapqyda keńesshi organ retinde sanalsa, keıin Assambleıa qyzmeti Ata Zańymyzǵa negizdelip, quqyqtyq mártebesi keńidi. Sodan bergi aralyqta beıbitshilik pen rýhanı kelisim baǵytynda kóptegen keleli ister tyndyryldy. Ulttyq-mádenı ortalyqtardyń, etnostardyń múddesin bildirip, syndarly úndesýlerdi qamtamasyz etip keledi. О́mirlik mańyzy zor áleýmettik máselelerge de belsendilikpen aralasyp, sheshilýine yqpal jasaıdy. Jurtshylyqtyń muń-muqtajdaryna qulaq asyp, qoǵamdyq qabyldaýlar uıymdastyrady. Túrli deńgeılerde ótetin kezdesýlerde, basqosýlarda el tynyshtyǵy, shańyraqtyń beriktigi birinshi kezekte eskerilip otyrady.
Jergilikti jerlerde de Assambleıa músheleri men etnomádenı birlestik ókilderiniń ózara yntymaqtastyǵy arqasynda ultaralyq kelisimge jetýdiń úılesimdi de syndarly joldary utymdy sheshilgen. Ulttyq tildi, mádenıetti damytýǵa, kóterýge baǵyttalǵan sharalar san-salaly. О́skeleń urpaq boıynda qazaqstandyq patrıotızm úlgilerin uıalatý, dástúrlerdi jańǵyrtý, ozyq qundylyqtardy saqtaý máselelerine jiti kóńil bólingen. Oblystyq Qazaqstan halqy Assambleıasynyń bastamasymen ulttyq jańǵyrý mektebi ashylyp, nemis, armıan, polıak, tatar, koreı, cheshen, ázerbaıjan, ýkraın, evreı, belorýs bólimshelerinde 200-den astam bala oqıdy. Etnostyq uıymdar túrli merekeler sheńberinde mazmundy baǵdarlamalar usynylyp, dástúrli dostyq, azamattyq tatýlyq dáripteledi. Turmysy tómen otbasylar men az qamtylǵan jandar úshin qaıyrymdylyq aksııalary júıeli uıymdastyrylady.
Stýdent-jastardy beıbitshilik pen rýhanı kelisim rýhynda tárbıeleý maqsatymen M.Qozybaev atyndaǵy Soltústik Qazaqstan memlekettik ýnıversıteti janynda Qazaqstan halqy Assambleıasynyń kafedrasy qurylyp, jumys istep kele jatqanyna úshinshi jylǵa aıaq basty. Kafedranyń negizgi mindeti – jas urpaqty dinı saýattylyqqa, joǵary adamgershilik qasıetterge baýlyp, shyǵarmashylyq qabiletterin damytý. Professorlyq-oqytýshylar quramynan jáne qoǵamdyq uıymdar ókilderinen quralǵan ǵylymı-ádistemelik birlestik etnosaralyq máselelermen shuǵyldanady. Ádistemelik quraldar jasalyp, oqý úderisine engizildi. Stýdentterge «Etnostyq-konfessııaaralyq kelisimniń qazaqstandyq modeli» jáne «Dintaný» kýrstary oqytylady. Endi «Máńgilik El – bizdiń qundylyǵymyz» atty pán ázirlenýde. «Meniń san qyrly Qazaqstanym» fotosýretter onlaın-saıysyna, «Bir memleket – bir otbasy», «Qazaqstanǵa qalaı tap boldym?», «Patrıot degen...», «Tegi ártúrli – teńdigi bir», «Táýelsizdik tuǵyry» atty esseler, «Meniń Otanym – Qazaqstan» atty jobalar baıqaýyna qatysýshylar shoǵyry qalyń boldy.
Stýdentterdiń saıası, mádenı ómirinde Qazaqstan halqy Assambleıasy kafedrasynyń alatyn orny erekshe. Aldaǵy kezeńge josparlap otyrǵan sharalar az emes. Munyń bári qoǵamdy toptastyrýǵa, etnokonfessııalyq qatynastardy úılestirýge, ultaralyq kelisimdi nyǵaıtýǵa baǵyttala beretin bolady.
Lıýdmıla GRIVENNAIа,
M.Qozybaev atyndaǵy SQMÝ janyndaǵy Qazaqstan halqy Assambleıasy kafedrasynyń meńgerýshisi
Soltústik Qazaqstan oblysy