Darııanyń aıtýynsha, bul baıqaýǵa elimizdegi telearnalarda jáne gazetter men saıttarda jumys isteıtin jýrnalıster qatysyp, ózderiniń 300-den asa jumystaryn usynypty.
− Bizdiń shaharda «Qaıyrymdylyq» qory, «Ekibastuz» balalar qoǵamdyq qory jáne «Ekibastuzdyń bolashaǵy úshin» sekildi birqatar qoǵamdyq birlestikter jumys isteıdi. Men osy uıymdar tarapynan atqarylyp jatqan qaıyrymdylyq sharalar, olardyń taǵdyr tálkegine ushyraǵan jandarǵa jasaǵan kómegi jáne aýyr naýqasqa tap bolǵan balalarǵa kórsetken qoldaýlary týraly jazdym. Sondaı-aq, qaterli dertke ushyraǵan eki balaǵa qamqorlyq sharasy retinde qaıyrymdylyq konserti uıymdastyrylyp, jınalǵan qarjyǵa olardyń shetelde emdelip jatqanyn maqalaǵa arqaý ettim, − deıdi áriptesimiz.
Al, baıqaý qorytyndysynda bas júldeni (Parıjge sapar) astanalyq jýrnalıst Renat Tashqynbaev jeńip alypty. Darııaǵa eki adamǵa arnalǵan Gonkongke saıahat jasaýǵa 7 kúndik tegin joldama berildi.
Júldeger jýrnalıst bul kúnderi qalalyq «Otarqa» gazeti redaktorynyń orynbasary bolyp qyzmet etedi. Atalmysh basylym jaqynda ǵana 25 jyldyq mereıtoıyn atap ótti. Biz áriptesimizge sát-sapar tilep, adamgershilik, jylylyq pen jaqsylyq taqyrybyn arqaý etken maqalalary kóbeıe bersin degimiz keledi.
Farıda BYQAI, «Egemen Qazaqstan»
PAVLODAR