О́ńirlik qolbasshylyq óz mindetine adal

Qazaqstan Respýblıkasy Qorǵanys mınıstrliginiń  Qurlyq áskerlerine qa­rasty «Ońtústik» óńirlik qol­bas­shy­ly­ǵy­nyń búgingi tynys-tirshiligi de eldik, ulttyq múddege negizdelgen. 2003 jyly qury­lyp, Almaty, Ońtústik Qazaqstan, Jambyl jáne Qyzylorda oblystarynda ákim­shilik turǵyda shekaralandyrylǵan shtab qolbasshylyǵy Taraz qalasynda ornalasqan. О́ńirlik qolbasshylyq qura­myna ortalyq baǵynystaǵy jáne áýe qor­ǵanysy kúshteriniń bólimderinen ózge shekaralyq shektegi áskerı bólimder kiredi. Al «Ońtústik» óńirlik qolbasshylyǵynyń mindeti – ońtústik-shyǵys aımaqta qaýip­siz­dikti qamtamasyz etý. Bul mindetterdi bú­ginde óńir qolbasshylyǵy qarqyndy túrde júzege asyryp keledi. Osy kúnge deıin «Aısha bıbi», «Kóktal», «Darbaza» oqý-jattyǵý alańdarynda áskerı sharalar ótkizilip, birqatar jetistikterge qol jet­kizildi. Mundaı sharalar el úshin eńbek etý­ge nıetti jastardyń da jigerin janyp, qaı­ratyn shyńdaı túsetini anyq. 

 Jýyrda ǵana Jambyl oblysyndaǵy «Mátibulaq» jalpyáskerı polıgonynda «Ońtústik» óńirlik qolbasshylyǵy bólimderiniń brıgadalyq taktıkalyq oqý-jattyǵýlarynyń sońǵy kezeńi ót­kizildi. Taktıkalyq oqý-jattyǵýdyń soń­ǵy kezeńine qatysýshylar arnaıy áskerı qımyldar júrgizýdi iske asyryp, ózderiniń biliktiligin, tá­jirıbeliligin kórsetti. Ás­kerı bólim­derdiń udaıy ornalasý

aý­da­nynan «Mátibulaq» polıgonyna deıingi ara­q­ashyqtyq 1000 shaqyrymnan asyp tústi. Al tehnıkalardy temir jol arqyly ta­symaldaý maqsatynda áskerı habar jetkizý organdary arqyly tehnıkany artý men túsirýdi uıymdastyrý úshin 10 eshelonnan asa qurama daıyndaldy. Atalǵan oqý-jattyǵý alańdarynda «Oń­tústik» óńirlik qolbasshylyǵynyń mo­toatqyshtar, ınjenerlik-saperlik, ar­tıllerııalyq, barlaý jáne tank bó­lim­sheleri, biriktirilgen medısınalyq vz­vody, baılanys jáne materıaldyq-teh­nıkalyq qamtamasyz etý bólimsheleri boldy.

Sondaı-aq, oqý-jattyǵýǵa desantty-shabýyldaýshy batalony, Ulttyq qaý­ipsizdik komıteti Shekara qyzmetiniń ján­e Ulttyq ulannyń, aýmaqtyq qor­ǵa­nystyń shuǵyl toby, sonymen qatar, Áýe qor­ǵanysy kúshteriniń shuǵyl-taktıkalyq basshylyǵy da qatysty. Munda barlyǵy 4 myńnan asa áskerı qyzmetshi, 600 birlik áskerı tehnıka, 2 myńnan asa  atys qarýy, sonymen qatar 12 ushaq pen tikushaq  ta qarastyrylǵan. Oqý-jattyǵýdyń negizine halyqaralyq lańkester men dinı ekstremıstik uıymdardyń ózara qımyldarynyń nátıjesinde oryn alýy múmkin degen oqıǵalar nusqasynyń kir­gizilýi de durys sheshim. О́ıtkeni, búgingi tań­da álem halqyn alańdatyp otyrǵan osyn­daı jaǵdaılardyń aldyn alý, ony bol­dyrmaý máseleleri de qol­bas­shy­lyq­tyń qatań baqylaýynda.

Qolbasshylyq quramynyń oqý-jat­­tyǵý kezindegi taǵy bir ereksheligi – jaý­yn­gerlik qımyldar júrgizýdiń klas­sıkalyq emes jáne standartty emes formalaryn qoldaný bolyp otyr. «Mátibulaq» jal­pyáskerı polıgonynda da «Tank karýsel» taktıkalyq tásilderi men týnnel urysy ádisi synaqtan ótki­zil­gen. Taktıkalyq tásilderdiń mindetine kiretin qarsylasqa jıi soqqy berý, tank ekıpajdary qozǵalyp bara jatqanda qaptaldan basý, bir-birin aýystyra otyryp udaıy atys júrgizý de búgingi tańda qolbasshylyqtyń «bes qarýy saı» ekenin kórsetedi.

Turaqty bolyp turatyn oqý-jatty­ǵý­dyń negizgi mindetteri óz aldyna, jalpy qolbasshylyqtyń bólim basshylary men jeke quramy  jattyǵý barysynda dalalyq jaǵdaıda áskerlerdi ornalas­tyrý, tamaqtandyrý, jaýyngerlik kúzet, ás­kerlerdi búrkemeleý jáne turǵylyqty or­nalasý pýnktinen tys jerde áskerı tehnıkany paıdalaný máselelerin qa­ras­tyrady. Sondaı-aq, jeke quram jo­ǵary moraldyq-psıhologııalyq tu­raqtylyq, tózimdilik, sonymen qatar qarý-jaraq pen áskerı tehnıkany paı­da­laný sheberlikterin de kórsetip ke­ledi. Bul turǵyda da áskerılerdiń áleý­eti jo­ǵary. Kásibı mamandar egemen eli­miz­diń órkendeýine, odan ári damýyna ján­e­ qaýip­sizdigine óz úlesin qosýda.

Búginde memleket tarapynan áskerı qyz­metshilerge jasalyp otyrǵan jaǵ­daı joǵary deńgeıde. Sarbazdardy me­dı­sınalyq, áleýmettik qamtamasyz etý jumystary jolǵa qoıylǵan. Bir ǵana mysal, ótken jyly el Táýelsizdiginiń 25 jyldyǵyna oraı Jambyl oblysynda 120 páterli bes turǵyn úı paıda­lanýǵa berilip, «Ońtústik» óńirlik qolbas­shylyǵyna qarasty 91 678 áskerı bóli­miniń qyzmetkerleri qonys toıyn toı­laý baqytyna ıe bolǵan edi. Al «Ońtús­tik» óńirlik qolbasshylyǵy áskerı basqar­masynyń qolbasshysy, general-maıor Marat Qusaıynov Elbasy Nursultan Nazarbaevtyń tapsyrmasyna sáıkes, áske­rı qalashyqtardyń ınfraqurylymyn je­til­­dirýge, áskerı qyzmetshilerdiń tolyq­qan­dy jumys isteýi úshin olardyń otbasy mú­shelerine de qolaıly jaǵdaı ja­sa­lyp otyr­ǵanyn aıtady. Sondaı-aq, eli­miz­diń Qorǵanys mınıstrligi de jyl saıyn áskerı qyzmetshilerge áleýmettik qol­daý kórsetip keledi. Elimizdiń qorǵanys sala­syn damytý búginde óz jemisin berip otyr.

 Dańqty batyr Baýyrjan Momyshuly «Tártipke bas ıgen qul bolmaıdy» degen. Te­mir­deı tártipti tý etken Qazaq mem­le­ketiniń qorǵanys salasy shırek ǵasyr ishinde bıik belesterdi baǵyndyrdy. Uly Dalamyzda ǵasyrlar boıy qalyptasqan dalalyq tártip táýelsizdik dáýirinde jańasha sıpat alyp, ultqa, memleketke qal­tqysyz qyzmet etý mártebesine ıe bol­dy. El erlerdi dúnıege keltiretin bol­sa, erlerdiń de el ishinen shyǵatyny zań­dylyq. Er eliniń tynyshtyǵyn kúzetip, qaýipsizdigin qamtamasyz etken jaǵdaıda qorǵanys salasynyń budan da bıik beles-

terge sharyqtap, samǵaı beretini anyq.

Hamıt ESAMAN,

«Egemen Qazaqstan»

Jambyl oblysy