Qazaqstan elshiliginiń uıymdastyrýymen Keńes Odaǵynyń marshaly, KSRO-nyń burynǵy Qorǵanys mınıstri Dmıtrıı Iаzov jaqynda Máskeýdegi Baýyrjan Momyshuly atyndaǵy jalpy bilim beretin № 229 orta mektepte bolyp, oqýshylarmen, ustazdarmen, Zelenograd qalasynyń basqa da turǵyndarymen kezdesti. Panfılov dıvızııasy jaýyngerleriniń Máskeý túbindegi erlikteri jaıynda jıi aıtyp, derekti dúnıeler jazyp júrgen marshal Baýkeń mektebine bul joly aty ańyzǵa aınalǵan taǵy bir panfılovshy – qazaqstandyq Vasılıı Klochkov syndy saıası jetekshiniń týǵanyna 100 jyl tolýyna oraı ótkizilgen is-sharaǵa qatysý úshin keldi. V.Klochkovtyń esimi soǵys jyldarynda «Reseı keń baıtaq, biraq sheginetin jer joq, artymyzda Máskeý» degen sózderi arqyly tanylǵany belgili.
Mektep ustazdary maıdanger marshalǵa qazaq batyrynyń esimin ıelengen bilim uıasyndaǵy jas urpaqty patrıottyq rýhta tárbıeleý baǵytyndaǵy jumystar jaıynda áńgimeledi. Al marshal batyrǵa arnalǵan murajaıdy aralap kórip, óziniń Baýyrjan Momyshulyn jaqsy biletindigi týraly aıtty. Murajaıǵa jańa kitabyn syılady.
Kezdesý barysynda D.Iаzov 1941 jylǵy Máskeýdi qorǵaý shaıqastaryna keńinen toqtalyp, general I.Panfılov basqarǵan 316-atqyshtar dıvızııasynyń qaharmandyq jolyn, barsha jaýyngerlerdiń, sonyń ishinde Baýyrjan Momyshulynyń erlik eńbekterin jurtshylyq júregine jetkize baıandady.
Qazir elshilik Otan soǵysy bastalýynyń 70 jyldyǵyna oraı jazylǵan Dmıtrıı Iаzovtyń «Panfılovsy v boıah za Rodıný» dep atalatyn estelik kitabynyń jaryq kórýine qoldaý kórsetýde.
Serikqalı BAIMENShE.
Máskeý