Maqsat – bilim sapasyn arttyrý

Aqordada Memlekettik hatshy Qanat Saýdabaevtyń tór­aǵa­lyǵymen Shetelde kadrlar daıarlaý jónindegi respýblıkalyq ko­mıssııanyń májilisi ótti. Otyrysty ashqan komıssııa tór­aǵasy óz sózinde «Bolashaq» prezıdenttik baǵdarlamasynyń kóp jyldan beri táýelsiz Qazaq­stanǵa qajetti halyqaralyq deń­geıdegi mamandardyń alǵashqy býy­nyn  daıyndaýda mańyzdy min­detter atqarǵanyn atap ótti. «Búginde Memleket basshysynyń otandyq bilimniń sapasy men deńgeıin arttyrý baǵytyndaǵy saıasatynyń arqasynda, ásirese, «Nazarbaev Ýnıversıtetiniń» ashy­lýyna baılanysty «Bola­shaq» baǵdarlamasy boıynsha shetelderde bakalavrlardy oqytý toqtatylyp, negizgi nazar magıstrler men PhD doktorlaryn daıarlaýǵa baǵyttalatyn bolady. Bul tapsyrmany Elbasy ja­qyn­da ótken Úkimettiń keńeıtilgen oty­rysynda bergeni belgili. Osy­ǵan baılanysty biz «Bola­shaq» baǵdarlamasynyń 2011-2015 jyldarǵa arnalǵan damý josparyn bekitýimiz qajet»,– dedi Qanat Saýdabaev. Onyń aıtýynsha, mundaǵy basty maqsat – aýqymdy memlekettik damý baǵdarlamalary boı­ynsha kadrlyq qajettilikti anyq­taý, mamandardy maqsatty túrde oqytý jáne daıarlanǵan maman­dar­dy jumysqa ornalastyrý. Taǵy bir atap óterligi, endigi kezekte mamandardyń shetelderdiń beldi oqý oryndarynda tájirı­be­den ótýi úshin bólinetin oryn­dardyń sany artatyn bolady. Bul kúngi komıssııa otyrysy aıasynda magıstratýra, PhD doktorantýra baǵdarlamalary boıynsha shetelderdiń jetekshi oqý oryn­darynda oqý, sondaı-aq, ǵylymı taǵylymdamadan ótý úshin «Bo­la­shaq» prezıdenttik stıpendııasyn alý quqyǵyna ıe úmitkerler sa­naty anyqtaldy. Buǵan qosa, 2011 jylda basymdyqqa ıe maman­dyq­tardyń tizbesi bekitildi. Láıla EDILQYZY.