«Nazarbaev zııatkerlik mektebi» janynan «Túlekter» alleıasy ashyldy

Bıyl ańsap jetken táýel­siz­­digimizdiń 20 jyldyq mereıi­ne degen ıgilikti ister qatary tolyǵa túsýde. Erkin tynys­tap, kók baıraǵymyzdy bıikke kóte­rip, alys-ja­qyn­daǵy elderge birligimiz ben ynty­ma­ǵy­myzdy pash etip kelemiz. Bola­shaq qoǵamnyń belsendileri – jastarǵa degen qam­qorlyqta da shek joq. Tek tal­pyn, jastyq ji­gerińdi ja­ny. Janatyn júrekke múmkin­di­ginshe qoldaý bar. Osy maq­satta ótken jyly Taldy­qor­ǵan qalasynda ashylǵan «Nazarbaev zııatkerlik mektebindegi» shá­kirtter bilikti ustazdardan bilim alyp, básekege qabilet­ti­lik­terin damytý ústinde. Mektep oqýshylary úzdik bilimderimen birge, jalpy aýmaǵy 3,5 gektar jerdi kógaldandyryp, kóktemde «Túlekter» alleıasy­nyń irgetasyn qalady. Mektep ustazdary men shákirtteri 250 aq­qaıyń kóshetin otyrǵyzyp, gúl­zar­lardyń ornyn belgiledi. Kók­tem­niń ár kúnin tıimdi paıda­lan­ǵan olar arnaıy joba boıynsha shyrsha, sámbital, úıeńki, roza, taǵy basqa kórkine kóz toı­maıtyn saıaly aǵash otyrǵyzdy. – Bıyl el mereıiniń 20 jyl­dyǵy men Taldyqorǵan qala­sy­nyń oblys ortalyǵy bolyp qaı­ta qurylǵanyna 10 jyl tolady. Árıne, bul – barshamyz úshin úl­ken qýanysh. Oqýshylardyń oı-órisin keńeıtip, armanǵa qulash urýyna jol ashý maqsatynda bilim shańy­ra­ǵyn kórkeıtýdegi utymdy, kór­kem jobalar paı­da­lany­lý­da. Son­daı-aq máde­nı, sport­tyq jarystar da ót­kizilýde. «Me­niń Otanym – Qazaqstan», «Meniń Prezıdentim», «Týǵan jer – tunǵan tarıh», taǵy bas­qa ta­qyryptarda keshter uı­ym­­das­ty­rylyp, el­jandy­lyq qa­sıet­terge keńinen jol ashy­lýda. Mekteptiń atyna zaty saı bo­lady, deıdi zııatkerlik mektep dırektorynyń oryn­ba­­sary Mádına Saty­bal­dınova. Kúmisjan BAIJAN. Almaty oblysy.